سيدة في الثلاثينيات سايقة عربية
+
العربية تويوتا لاند كروزر دفع رباعي
+
المدام بتتكلم في الموبيل
+
وعلي ايديها التانية شايلة ابنها البيبي
+
ع الكرسي جنبها طفلة بتطنطط ع الكرسي
=
؟؟؟؟؟؟؟؟؟؟؟؟
الحق وبسرعة اتصل على 090005151 وادفع دم قلبك وكل لما تتصل اكتر وتدفع اكتر برده مش هتكسب
19 comments:
ههههههههههههههه
يبقي انت شغال معاهم
الحل تبقي حادثه يا خفيف
مسابقات الله ينور علي الذكي صاحب اسئلتها
طبعا اهدافه معروفه
تفتكر ان لسه في ناس بتتصل بيهم فعلا
انا لا اعتقد انه كما كان في الاول
الحل تتصل ب 122
والفزوة تبقى حد هيعبرك ولا لا
---ذو النون المصري---
لسه ياعم ناس بتتصل كتير
بس للاسف دي مش مسابقة دي حاجة انا شفتها بعيني امبارح وسط زحمة روكسي وفعلا كان نفسي افهم هو في ايه؟ ,وكان نفسي اركز هي سايقة ازاي وبأنهي ايد
تحياتي
---سمسم---
الفزورة محلولة...محدش هيرد
نورتي المدونة
محمد سمير
هي دي بأه اللي بيقولوا عليها الحادثة المروعة
مدونتك جميلة جدا جدا
و عجبني قوي موضوع شوقنا ده...لسه فاكرها...فيك الخير أصيل و الله
:))
تحياتي
الحل ....مش عارفه
لا استنى انا عرفت
بس قبل ما تتصل عشان تكسب الحق اتصل بالاسعااااااااااااااااااااف
الله يرحمهم بقي
هههههههههههههههههه
ضحكتنى فى العصرية كده ..
وانته عارف انه مش وقت ضحك ..
لاء جامدة
انا قعدت افكر فى السيدة ..
بس للأسف احنا موقفين خدمة 0900 من التليفون عندنا
هما أصلا بيعرفوا يسوقا بايديهم الاتنين علشان يسوقوا من غير ايد خالص
أول تخيشة فى حياتى كان سببها واحدة لأان وايه باصلتى من فوق لتحت
وواحدة تانية بماروتى مش بنقل ولا حاجة بتركن صف تانى فبتحضن على عربيت أبويا طبئت الباب من تحت وأنا كنت قاعد عادى وكإنى هوا
بعد كده أنا اتغاظت وقلتلها انت على فكرة خبطينى
كان الرد soory
مالوا البلد صح؟
تحاتى ليك وربنا يسترها عليك
عارف يابو حميد لو بعت لهم من هنا ليوم التلات اللي جاي وقلت لهم مرة حادثة ومرة كارثة ومرة ربنا ستر ومرة مش عارف
عمرك برضة ماهتكسب
لأنهم هم اصلا مش عارفين الاجابة
تحياتي ليك
---سوسة المفروسة---
نورتي المدونة وشكرا ع المجاملة اللطيفة انتي مدونتك اللي لذيذة اوي
اغاني عمرو دياب القديمة جميلة اوي ومقدرش انساها
تحياتي ليكي ونورتي
---داليا---
على رأيك الواحد ساعتها بيبقى عايز عربية اسعاف تيجي عشان لوحصل في الامور امور
نورتي
---ياسر باشا---
ياباشا دا من دواعي سروري وسعادتي ان ضحكتك وكمان العصرية ياااه دا انا عديت
ابقى نورنا كل يوم ياباشا
تحياتي ليك
---hapasa----
ياباشا انت مش محتاج تتخبط عشان تعرف انها واحدة اللي سايقة..انت بس انشي وراها وانت تشوف العجب العجاب
بس فعلا انا كنت متشوق اشفها سايقة ازاي
تحياتي ليك ونورتني
---ابو سمرة السكرة---
ياباشا مش مهم تبقى عارف الاجابة الصحيحة ..انت بس اتصل وقول اي حاجة المهم تتصل ياباشا وتدفع
هههههههه
تحياتي ليك ونورت يامعلم
تحياتي
محمد سمير
السلام عليكم
ياراجل دول اسئلتهم مستفزة
وكل ما تتصل اكتر فرصتك في الفوز تكتتتتتتتتتتتر
يالا سلام
هههههههههههههههههه
دي عملتها ازاي دي
واللي معندوش تليفون يعمل ايه ؟
ايه الفزورة الصعبة دى أكيد مش هكسب لو عايز تكسب بجد بقى أدخل على قناة سترايك الفوازير بتاعتها محلولة جاهزة وحتكسب حتكسب مفيش كلام .. سلام
آسف على التحليق خارج السرب
ولكن إيماننا بدفاعكم عنمبدال الحرية
ندعوكم للتضامن مع عمر الشرقواى المعتقل فى قسم طلخا
إثر قيامه بتغطية انتخابات مجلس الشورى
وجزاكم الله خيرا
والله انا في الكويت بشوف العجب
ويوماتي علي الله لازم الاقي حدثه علي الطريق
الناس مجانين
والعربيات غير الي عندنا في مصر بصراحه
والطرق ةاسعه ومريحه جدا
بتشجع علي السباق واللعب بالعربيه
غير ان الفلوس زي الرز هنا
يعني بيخباطوا العربيه ويخرجوا منها وتكون مطحونه جدا
تاني يوم بيكونو شاريين واحده تانيه
مفيش احساس بالمسؤليه
والله بلاد عجب هنا
بس بيني وبينك فيه شويه عربيات تخبل
تحفه
ربنا يوعدنا ويوعدك يا رب معانا
تحياتي
بسم الله الرحمن الرحيم
الاجابه تونس
لو بإيدى أطلع قانون يمنع السواقة للسيدات
-------------
ملاحظة صغنونة
الأغنية اللى انت حاططها بتشتغل لوحدها أول ما تفتح البلوج
حاول تحطها على سايت تانى زى
www.divshare.com
تحياتى
---mesh2adra---
شكرا على مرورك
ماهو دا الطلوب انهم يستفزوكي فتتصلي وهما يكسبوا اكتر واكتر
نورتيني
---مادو--
شكرا على مرورك ياباشا
كان نفسي افضل جنب العربية اشوفها سايقة ازاي بس الصراحه خفت
ربنا معاها
نورتني ياباشا
---سندباد----
باشا اللي ماعندوش تليفون ممكن يبعت تلغراف
تحياتي
---بوسي كات---
ازيك يابوسي عاملة ايه
الفزورة في قناة سترايك مش في السؤال انما في اللي بتغني السؤال ويتتحايل ع
الناس عشان تتصل..هي دي الفزورة ياترى مريضة بانهي نوع من العبط
نورتيني
---hapasa---
جزاك الله كل خير
بس هو حصل معاه ايه بالظبط
---gohyana---
لماهناك تكون الطرق واسعة ومريحة والعربيات غير اللي عندنا وزي مانتي بتوصفي كده ومع ذلك كل يوم بتحصل حادثة امال احنا هنا نعمل ايه... الطرق بايظة والعربيات متكهنة والناس مش مسؤلة وحكومة نايمة في الدرة...
انا ادعوكي لزيارة محور 26 يوليو يوميا من الساعة 8 صباحا ل 12 مساءا
ترجعيلنا بالسلامة ان شاء الله
نورتيني
--- ولو---
فاتتك يابرنس
الاجابة موزمبيق
تحياتي ونورتني
---بابا نسمة---
شكرا عل مرورك ياباشا
وانا معاك في القانون ده...احسن دي حاجة متعبة اوي
بالنسبة للاغنية هشوف السايت حاضر
تحياتي ليك ونورتني
تحياتي لكم جميعا
محمد سمير
Post a Comment