صباح الورد...الصبح اول ماجيت الشغل لقيت الحوار ده ع الميل عجبني اوي وحبيت اصبح عليكم بيه
حوار لطيف بين زوج مع زوجته
هو: حبيبتي أنا حأطلب بيتزا ، عايزة حاجة ؟ء
هي: لا يا حبيبي
هو : اوكي
هي: ولا اقولك .؟ء
هي: ولا اقولك .؟ء
هو: ها ، أطلب لك كمان ؟ء
هي: مش عارفة
هو: مش عارفة اذا كنتي عايزة؟ ء
هي: لا
هو: انتي جعانة ؟ء
هي: يعني
هو : يعني إيه يعني...؟ء
هي: يعني مش متأكدة اذا كنت جعانة ولا لأ
هو: الواحد لما بيكون جعان بيعرف
هي: لأ بس يمكن اجوع بعدين
هو: يعني اطلب لك بيتزا؟ء
هي: طيب واذا ما كنتش جعانة وقتها..؟ء
هو: ما تاكليش
هي : بس ده كدة يبقى تبذير
هو: خلاص ، تبقي تاكليها بكرة
هي: و اذا ما كانش لي نفس آكل بيتزا بكرة؟ء
هو: مش محتاجة نفس ، الواحد عادي ممكن ياكل بيتزا كل يوم
هي: انا لا .. أنا مش باكل بيتزا الا لما يكون عندي نفس للبيتزا
هو: طيب بلاش ، أطلب لك حاجة تانية؟ء
هي: بس أنا مش عايزة حاجة تانية
هو: يعني عايزة بيتزا؟ء
هي : لا
هو: يعني مش عايزة حاجة؟ء
هي: لأ برضه
هو : جننتيني ، طب أعمل إيه؟ء
هي: اطلب انت لنفسك
هو: الحمد لله ، اخيرا .. ماشي .
هي : بس اطلب بيتزا بالتونة
هو: نعم ؟ انا مش بحب البيتزا التونة
هي: بس انا بحبها
هو: وانتي مالك ؟ هو انا حاطلب ليا ولا ليكي
هي: ليك طبعا
هو: طيب أطلبها ليه بأة بالتونة...؟ء
هي: يمكن اجوع لما يوصل الاكل
هو : وبعدين؟ء
هي: يا سلام ، يعني تفتكر آكل حاجة مش عاجباني؟ء
هو: ليه هو انتي – أصلاً - عايزة تاكلي؟ء
هي : ليه لأ ؟ء
هو: يا مثبت العقل .. هو أنا حاطلب بيتزا لي , عشان احتمال انتي
تاكليها اذا كنتي جعانة؟؟ء
هي: بالضبط
هو: وأنا بلاش آكل؟ء
هي: يمكن وقتها أكون مش جعانة .. فتاكل انت ساعتها
ملحوظة
محكمة الجنايات قررت تبرئة الزوج من تهمةقتل الزوجة مع سبق الإصرار والترصد وتحويل التهمة إلى ..قتل الزوجة دفاعاً عن النفس
تحديث هام
الحوار السابق وصلني بالايميل ولم اعرف مصدره في الاول ولكن لزم التنوية عن ان البوست الاصلي نشر يو 19 سبتمبر عام 2005 في مدونة احمد شقير "حكاوي اخر اليل" تحت عنوان "يامثبت العقل والدين" لذا لزم التنويه
41 comments:
صباح الخير
يعنى ينفع كده؟
ادخل اشوف المدونه اقوم اقعد ساعه مش عارفه اعلق على ايه والا ايه؟
وبعدين اطلع تانى فوق عشان اعلق على هارولد باشا الاقى بوست جديد؟:)
بصراحه البوست جميل جدا
انا لو منه كنت خنقتها برضه عشان ارتاح واريح الناس كمان
اللى تعمل كده فى جوزها امال بتعمل ايه فى الناس؟
هههههههههه
بس انا تقريبا كده كرهت البيتزا
مدونتك جميله ومتنوعه
عجبنى البوست بتاع تونس قوى
وبوست ال10 بقرش
تحياتى
--لومي---
نورتيني والله يالومي
وربنا يخليكي ع المجاملة دي
انا بردو زرت مدونتك وكلماتك عجبتني اوي اوي في كل البوستات
نورتيني واتمنى اشوفك دايما
محمد سمير
علي فكرة البوست دا جامد اوي انا كنت زعلان ولما قرائتة ضحكت اوي تحياتي لك واتمني لك التوفيق عمرو غريب مدونة بيت الرياضة
هههههههههههههههههه حلوة تسلم على البيتزا يا باشا بس انا لو من الراجل كنت.........ولا كفاية خلاص
ومنين اجيب الصبر ... ء ,,, يالهوى ده انا مرارتى اتفقعت ء ... وانا مش ناقصة يا خويا ء .... سلام ء >>> بس حلوة اوى ضحكتنى ء ء ء
---عمرو غريب--
ياباشا ما عاش ولا كان اللي يزعلك
مافيش حاة تستاهل
نورتني
---د.هيما---
نورتني ياباشا
لو كنت من الراجل كنت عملت ايه:):):):)
نورتني
----بوسي كات---
سلامة مرارتك يابوسي
واحلى حاجة انك ضحكتي...ماقولتليش ايه اخبار مزاجك دلوقتي؟ لسه مضايقة
تتحياتي لكو جميعا
محمد سمير
جااااااااااامد قوي البوست ده
و الله الحوار ده بيتكرر مع ناس كتير و حقيقي, بس من غير قتل, ولا مين عالم اللي بيموت في الحوادث دول ماتو ازاي
السلام عليكم
تحفة الحوار ده تحفة بعد اذنك انا هـ خدو اطبعه واوزعه
ده انا دحكت دحك
فعلا الحديث ده بيحصل في كل العالم بين الراجل والست ، انا مرة شفت حاجة كده بين راجل ومراته عوزها تلبس حاجة هي مش بتحبها رغم انه مسافر وراجع امريكا بعد يومين يا لهوي علي حصل ده كان نفسها تضربه بس مسكينة مقدرتش تفتح بقها
انت بتجيب الحجات الظريفة دي منين؟
والله عنده حق بس هو اللي يستاهل
حد قاله يتجوز واحده بتتكلم
ادي اخرة لسان الستات
حاجه تجيب الضغط
هههههه
حسنا ذكرك ان الموضوع كان على الميل
هذا الموضوع كتبته في مدونتي منذ اكثر من عام ونصف
http://shokeir.blogspot.com/2005/09/blog-post_19.html#links
ولا ادري ماسر ظهوره تلك الايام حتى وصلني على الميل انا ايضا وهناك مدونون اعادوا كتابته مرة اخرى ومنهم من لم يذكر ذلك مثل تلك المدونة
http://makhboul.blogspot.com/2007/06/blog-post_20.html
تحياتي
هههههههههههههههههههههه
جامدة والله
ولا الحتة دى
مش محتاجة نفس ، الواحد عادي ممكن ياكل بيتزا كل يوم
انا حطتيت نفسى مكانة وكنت هضربها بالقلم وانا بقولها دى
هههههه
جامدة جدا
والأجمل في الموضوع وانا داخلة مدونتك وبقرء كنت باكل بيتزا
ههههههه
والله بجد دا دفاع عن النفس وربنا معا هو كان مشتحملها ازاي
على فكرة يا بنات بلاش دلع على الرجالة
شوفوالنهاية بتبقى عاملة اي
ههههههه
تحياتي
ليمونادة
مدونة جميلة وأفكار متنوعة ..
أما بالنسبة للبوست ...اللي يدق الباب يسمع الجواب
ولازم يكون قلبو كبير ويستوعب كل حاجة .
دمت بخير
أم المييس
www.omelmees.blogspot.com
ههههههههههه
:)
جامد أوى بجد
بس راجل عنده صبر فعلا
اعتقد انى ماكنت هاكمل كل الحوار ده
كنت هاكتمها م الاول
علشان كده لو مش عاوز تقتل مراتك زي اخينا ده
مارتغيش كتير معاها
مية مية
تحياتى لك
كنت طلبتلها بيتزا وسميتها وخلاص وانت بتسئلها ليه اساسا هى لو عيزة هتقولك وخلاص ربنا يسمحه والله المفروض يا خود تعويض من اهل القتيله
تحياتى
ندعوكم لزيارة منتدى خليك فى البيت والمشاركة فى الحملة
هى دى العينه اللى بتسوأ سمعه الستات
تستاااااااااااااهل
هههههههههههه
حلوة جدا
بس كويس انه قدر يستمر فى الحوار وبعدين قتلها
لأنه كان ممكن يموت من الارتفاع المفاجىء فى ضغط الدم
هههههههههه
رائعة
تحياتي
ايه الولية المقرفة دى
--شاه--
نورتني والله ياباشا
ايوه فعلا بيحصل كتير بس الله اعلم نتيجته ايه :)
تحياتي
---ناني---
سعيد اني شوفتك مرة تانية ويارب دايما كده تكوني مبسوطة وتضحكي
نورتيني
--ولو---
باشا تعليقك جامد جدا...ضحكتني موووت
دايما منورني
ا.احمد شقير
ايه بس النور ده...سعيد بمتابعتك والله
الموضوع فعلا وصلني بالميل...بس عارف يا استاذ احمد رغم ان ناس كتير مش بتقول مصدر اللي هي كاتباه الا ان اوقات كتير بيكون مفهوم ان الموضوع منقول يعني بيكون بحسن نيه
زي تدوينة "القاهرة 2055" و "نشرة اخبار عام 3000" انا متاكد ان المواضيع دي رغم انها بتاعتك الا انها وصلتك بردو ع الميل :):)
لكن بردو في العكس زي المدونة اللي حضرتك حظتلي اللينك بتاعها "المخبول" اللي انا خدت بالي انه كمان واخد موضوع الام الحشاشة يعني هو عارف هو بينقل منين....موضوعين من اربعة من مدونتك ميدينيش انطباع كويس عن باقي موضوعات المدونة
انت ماتضمنش "القارىء الخفي" هيستخدم موضوعاتك ازاي يا استاذ احمد
بس قولي صحيح يا استاذ احمد لما بتلاقي موضوع من موضوعاتك واصلك ع الميل بتحس بأيه؟ تنبسط ولا تضايق؟
تحياتي ليك ونورتني بجد
محمد سمير
---ياسر سليم--
ياباشا ولا تضرب بالقلم ولا بتاع
دي المفروض الواح يحرمها من الاكل او يجيب بيتزا تونة ومايديهاش ولا حتة
نورتني
---ليموناده---
نورتيني وحسستيني بالانتعاش لاني بحب الليمون اوي اوي وخصوصا في الحر اللي احنا فيه ده
بس قوليلي انت كنتي بتاكلي بيتزا بايه ؟اوعي يكون بالتونة
:):)
نورتيني ويارب اشوفك دايما
---مجموعة حياة---
شكرا على مرورك وع المجاملة اللطيفة
تحياتي
---حباصة---
نورتني ياكبير
على رأيك الواح ماكنش هيستحمل يكمل كلام وكان هيجيب من الاخر
الله يكون في عونة
---ضد الظلم---
باشا نورتني
على رايك او من غير ماتسمها هات بيتزا وكل من غير ماتحسسها انها موجودة اصلا
نورتني ياكبير
---خليك ف البيت--
كلاكيت تاني مرة
شكرا ع الدعوة والاعلان
---ساسو--
شوفتي بأه ياساسو البنات عاملة ايه في الرجالة
عيني علينا والله غلابة
نورتيني وشكرا على مرورك
---voice of love---
شكرا على مرورك
لا الحمد لله ربنا ستر ومجالوش الضعط...موتها قبل مايجيلوا
نورتني
---صاحب البوابة---
شكرا علي مرورك ياباشا و عالمجاملة
تحياتي
---ميراج---
شكلك انت اللي اتنرفزت ياميراج
خد بالك بقه بعد كدة وماتسألش...اطلب علطول
نورتني ياباشا
---الى الجميع---
نورتوني جميعا وشكرا ع التواصل
تحياتي
محمد سمير
بوست لطيف قوي للتدليل على تردد المرأة الفظيع
ههههههههههههههههههههههههههههههه
هههههههههههههههه
وحدج قاله يتجوز ما هوة اللى جابه لنفسه
ههههههههههههههه
المفروض بقى يصبر ويستحمل ههههههههههههه
جامدة جامدة طحن و الله
بينى و بينك بردة احنا نغيظ
ساعات يعنى مش على طول
و لا اقولك على طول
و لا اقولك مش قوى
و لالالالا
ايوة ايوة يعنى مش بنغيظ قوى و لااقولك بلاش لحسن حد يقتلنى انا كمان
هههههههههههههه
تحياتى لك
محمد سمير
شكرا على التنويه وتحياتي ليك على الإهتمام بالرد
سيدي أنا إتهريت إقتباس موضوعات ويمكن كان اشهرها
المصري هو اللي
ليه ... ليه
بالنسبة لسؤالك
بصراحة بازعل لما تكون المواضيع المنقولة من عندي مش مذكور فيها المصدر
لكن لما الإحساس مختلف تماما عندما يذكر المصدر
تحياتي
شكرا على سؤالك عني يا محمد
اما بالنسبة للجريمة الشنعاء دي
لو كل خطيب هايقتل خطيبته علشان كدة كانت الحريم خلصت من البلد
ههههههههههههه
البقاء للأقوى
كويس عشان لو حصلت معايا اعملها وآخد براءة
هههههههههه
بوست تحفة يا محمد
تصدق انا اعرف ناس كده زنانة لابعد الحدود وتجيب الضغط
والله احنا غلابة ولينا الجنة علشان بنتحمل دا كله
تحياتي
ايه ده
مين اللي فتن عليا وحكى حكايتي!!
عموما ضد الظلم هو أقربكم للحقيقة لأني فعلا سممت البيتزا و لسة ماشي في اجراءات التعويض ..
.. بس للهانم الرابعة
حلووووووووو قوى يا باشا
وعلى فكرة البوست بيعبر عن شخصية المرأة فعلا .. الراجل مبيبقاش عارف هيا عاوزة أيه .. شخصية غامضة
تمنياتى بالتوفيق
فية ستات تجيب الضغط زى مفية رجالة تجيب الشلل
---بيلا---
تردد المرأه الفظيع...وصف جامد جدا
نورتيني
---هنا---
على رأيك حد قاله يتجوز
خليه يشرب بأه :):)
نورتيني ياهنا
---رانيا---
نورتيني يا رانيا ولا اقولك
اصل الليحصل
لا لا
بصي هاقولك
لا لا ماشي
طب باي باي بأه
:):)
هوه ده...استمري
نورتيني
---ا.احمد شقير---
لا شكر على واجب يا استاذ احمد
نورتني
---احمد المصري--
يلبلشل لا شكر على واجب
عندك حق بس بيني وبينك هي كانت تستاهل
نورتني
---عبده محتاس--
نورتني ياباشا
تمام كده دوس وماتقلقش البراءه مضمونة
تحياتي
---احمد الحسيني---
ياريتها جت ع الزن وبس ياباشا ماهي لو بتزن هتعرف تتصرف معاها انما هتعمل ايه لو هي عايزاك تعمل حاجة هي مش عارفاها
نورتني
---egypian---
شفت بأه ياباشا مفيش حاجة بتستخبى
خد بالك المكان كله محاصر
نورتني يا باشا وشكرا على مرورك
---البدراوي---
ياباشا اذا كانت هي نفسها مش عارفة هي عايزة ايه..الراجل هيعمل ايه
غلبان والله
شكرا على مرورك
تحياتي
---ايوية----
شكررررررررررررررررررااااا
انا احب الناس اللي بتجيب حقها في كلمتين و ....بس
نورتيني
---الى الجميع---
تحياتي لكم جميعا
محمد سمير
ههههههههههههههههه
أيه ده أنا لو منه كنت هموتها برضة
ههههههههههههههههه
تحياتى لك
لأ ايه الراجل الأهبل ده
توصل للقتل مش ممكن يبقي مجنون
ما هوز اكيد برضو بيعمل حاجات تفقع المراره و هي بتستحمل
بس ان جيت للحق هي مستفزه بس ماتوصلش للقتل
---بوس بوس---
شوفتي بأة وفي الاخر يقولوا الرجالة وحشيين
نورتيني يا بوس بوس
---KOUKAWY----
الله طب الراجل كان يعمل ايه كان يا اما هيموتها يا اما يموت نفسه
يعمل ايه بس غصب عنه
شكرا على مرورك
نورتني
---علاء---
عينيا ياباشا
تحياتي لكم جميعا
محمد سمير
جامدة جدا
يالهوىىىىىى ع الرخامة
هى فديك الساعة لما جوزها يعزمها على بيتزا؟؟؟؟؟
ده انا لو قالى - لما اتجوز ان شاء الله - هجيبلك جبنة رومى حقوله تعيش وتجيب ياغالى يخليك ليا يارب وكفاية دخلتك علينا بالدنيا
هههههههههههه
لا بجد رخااااااامة
اعوذ بالله
:D
---مادو---
نورتني ياباشا
--انسانه---
شوفتي بقة الغتاتة اللي الناس فيها
مش مقدرة النعمة اللي هيا فيها
:)
نورتيني
محمد سمير
Post a Comment