ازيكوا ياجماعة...وحشتوني والله...انا متشكر جدا لكل اللي سأل عني او دخل يزورني خلال الفترة اللي غبت فيها..انا بس كنت مطحون حبتين الفترة اللي فاتت بس الحمد لله الدنيا هديت شوية...
من يومين حصل معايا موقف لفت نظري بشدة...كان عندي معاد في الشغل الساعة 10 الصبح..وانا رايح في الطريق جاي بدوس فرامل دوست ملقتهاش اضطريت اعتذر عن المعاد خصوصا اني بمشي على طريق سريع وانا رايح الشغل ومش هاينفع امشي كده من غير فرامل... قلت حلاوتها في حموتها ويللا نروح للميكانيكي كانت الساعة 9.30 الصبح ...رحت لقيته لسه مافتحش...قلت امشي قدام شوية كده عند واحد تاني لاقيته برده لسه مفتحش ولاحظت ان معظم المحلات في الشارع لسه قافلة....غريبة اوي الساعة 9.30 انا استغربت واتهيألي للحظة ان اليوم كان الاحد بس لأ دا انهارده الخميس
اللي اعرفة ان البركة في البكور وان الساعة 9.30 دي مش بدري اوي كده عشان الناس كلها تكون لسه قافلة وبعدين دا المفروض الناس اللي هيا فاتحة محلات وورش اكتر ناس تنزل بدري الصبح عشان ربنا يباركلهم في رزقهم...يقولك ده مافيش زباين بتيجي قبل الساعة 10 ماشي موافق ولا حتى لغاية 12 ياعم بس برده ربنا هيبارك في الرزق اللي هيجي حتى لو جه الساعة 10 بليل...مش عارف اللي بقوله ده صح ولا غلط بس انا اتعودت على كده ان الصحيان بدري في بركة في كل حاجة بركة في اليوم والرزق والمصالح وكل حاجة تانية وبتلاقى كده الدنيا منورة وكله بيقول استعنى ع الشقى بيك يارب وكله رايح يشوف رزقه... الغريبة اني في نفس اليو م كنت قاعد مع واحد جارنا واشتكالي من الموضوع ده..انه نزل يشتري قطع غيار الساعة 10 الصبح ولقى الناس قافلة وقليل اوي اللي فاتح وقعد بقى يقولي خلاص الناس مبقاش في دماغها حاجة غير السهر والنوم وان مبقاش في حد يراعي رزقه وشغله زي زمان ...والصراحة الراجل عنده حق..انا ايام ماكنت بروح المدرسة وبنزل 7.30 كنت بلاقيه بيفتح المحل بتاعه. المشكلة ان حتى الموضوع ده وصل الريف ومبقاش الفلاح يصحى الفجر ويروح على ارضة زي زمان....بقه برده ينام للضهر
للاسف وللصراحة انا نظام شغلي اوقات كتير ماينفعش الا والناس نايمة عشان كده انا مبطبقش الموضوع ده بنسبة 100% للاسف...وان كنت مؤمن بيه
ياترى انتو ايه رأيكوا هل انا مزودها حبتين وان الناس برده بتبقى سهرانة في الشغل ولا ايه..طيب احنا كشعب كامل لو ابتدينا يومنا الصبح شوية مش دا بردة من ضمن السلوكيات الي لو اتحققت هتفرق كتير في نظام حياتنا كله
من يومين حصل معايا موقف لفت نظري بشدة...كان عندي معاد في الشغل الساعة 10 الصبح..وانا رايح في الطريق جاي بدوس فرامل دوست ملقتهاش اضطريت اعتذر عن المعاد خصوصا اني بمشي على طريق سريع وانا رايح الشغل ومش هاينفع امشي كده من غير فرامل... قلت حلاوتها في حموتها ويللا نروح للميكانيكي كانت الساعة 9.30 الصبح ...رحت لقيته لسه مافتحش...قلت امشي قدام شوية كده عند واحد تاني لاقيته برده لسه مفتحش ولاحظت ان معظم المحلات في الشارع لسه قافلة....غريبة اوي الساعة 9.30 انا استغربت واتهيألي للحظة ان اليوم كان الاحد بس لأ دا انهارده الخميس
اللي اعرفة ان البركة في البكور وان الساعة 9.30 دي مش بدري اوي كده عشان الناس كلها تكون لسه قافلة وبعدين دا المفروض الناس اللي هيا فاتحة محلات وورش اكتر ناس تنزل بدري الصبح عشان ربنا يباركلهم في رزقهم...يقولك ده مافيش زباين بتيجي قبل الساعة 10 ماشي موافق ولا حتى لغاية 12 ياعم بس برده ربنا هيبارك في الرزق اللي هيجي حتى لو جه الساعة 10 بليل...مش عارف اللي بقوله ده صح ولا غلط بس انا اتعودت على كده ان الصحيان بدري في بركة في كل حاجة بركة في اليوم والرزق والمصالح وكل حاجة تانية وبتلاقى كده الدنيا منورة وكله بيقول استعنى ع الشقى بيك يارب وكله رايح يشوف رزقه... الغريبة اني في نفس اليو م كنت قاعد مع واحد جارنا واشتكالي من الموضوع ده..انه نزل يشتري قطع غيار الساعة 10 الصبح ولقى الناس قافلة وقليل اوي اللي فاتح وقعد بقى يقولي خلاص الناس مبقاش في دماغها حاجة غير السهر والنوم وان مبقاش في حد يراعي رزقه وشغله زي زمان ...والصراحة الراجل عنده حق..انا ايام ماكنت بروح المدرسة وبنزل 7.30 كنت بلاقيه بيفتح المحل بتاعه. المشكلة ان حتى الموضوع ده وصل الريف ومبقاش الفلاح يصحى الفجر ويروح على ارضة زي زمان....بقه برده ينام للضهر
للاسف وللصراحة انا نظام شغلي اوقات كتير ماينفعش الا والناس نايمة عشان كده انا مبطبقش الموضوع ده بنسبة 100% للاسف...وان كنت مؤمن بيه
ياترى انتو ايه رأيكوا هل انا مزودها حبتين وان الناس برده بتبقى سهرانة في الشغل ولا ايه..طيب احنا كشعب كامل لو ابتدينا يومنا الصبح شوية مش دا بردة من ضمن السلوكيات الي لو اتحققت هتفرق كتير في نظام حياتنا كله
27 comments:
يا عم سيب الناس نيمة كفايا الهم الي هي فية
بس الي انا اعرفة انا كل المحلات بتفتح الساعة عاشرة بأستثناء المكاتب و السوبر ماركت بس بصراحة ما عرفش احوال الميكانكية يمكن لاني لسا طالب في الجامعة وماعنديش عربية
بص
هو الشعب المصرى شعب كسول جدا بطبيعته
ومبيشتغلش غير بالجزمة ولما يكون حد واقف فوق دماغه
ازيك حما لله عالسلامة ... اعتقد ان فتح المحلات بدرى ده بيبقى حسب المنطقة او المكان وعموما الكل بيسهر ومش بيقفلوا بدرى زى زمان يصحوا بدرى ويفتحوا محلاتهم ويقفلوا بدرى لا دلوقت بيتأخروا ويفتحوا 12 دى فعلا ظاهرة بس لاحظتها فى اماكن معينة اصحاب الورش او المحلات بيروحوا بيوتهم الساعة 2 ويفتحوا تانى يوم الساعة 12 او 1 .. عادى مش تستغرب على حاجة فى الزمن ده ... سلام
أولا حمد الله على سلامتك، واضح إن كل الناس كانت مشغولة فى الفترة اللى فاتت
طبعا الصحيان بدرى مهم وبيخلى الواحد نشيط، أنا طول عمرى كنت بحب أصحى بدرى وفضلت كده لحد نص ثالثة ، بعد كده غصب عنى بقيت أسهر أوى علشان شغل الأبحاث وكنا بنبقى فى الكلية الصبح فطبعا كنا بنضطر نسهر أحيانا للفجر علشان نخلص وساعات ما كناش بنام خالص ونروح الكلية مطبقين، والموضوع طبعا استمر معانا فى رابعة لأن الأبحاث والشغل كتر، بحاول أرجع زى ما كنت لأنى فعلا بكرة الصحيان متاخر مع أنى مش بصحى الظهر يعنى ، بس 10 الصبح ده بالنسبالى متأخر جدا برده
تصدق انا لما بنزل مصر اجازة بلاحظ الحكاية دي
كله قافل ماعدا محل الفول والطعمية
ميش عارف ليه
بس انا زيك بقول البركة في البكور
ووالدتي دايما تقول كده
لكن مع انتشار الفضائيات والكافيهات والقهاوي
ازاي نصحى الصبح يا باشا
تحياتي
ملاحظة: انا بصحى كل يوم الساعة ٦ ونص
علشان اوصل شغلي قبل ٧ونص
كل شغل ولة ظروفة
بس تعرف لو حد انتظم ولا مجموعة مش كفاية الكل محتاج تغير واظن صعب
تعرف لو الكل ينام الساعة 10 ويصحي يصلي الفجر وبعدين مينامش بيكون احلي يوم
مريح وتلاقي نفسك مبتهج وبشوش
حاليا الكل بيسهر وبيروح الشغل متاخر وكانة مضروب علقة سخنة ومكشر
الحياة اتلخبطت واتقلبت احشائها
خلينا ملخبطين زيهم هنعمل اية
انا الحمد لله مرتاح من موضوع الورش دة والكرجات كنت بدوخ
حاليا شركتنا الله يعزها متفقين مع شركة كبيرة يجيبولي سيارة بديل لغاية عندي وياخدوا سيارتي يعملوا السيرفس ويرجعوها تاني مغسولة ومرشوش فيها معطر كمان
ههههههههههههههههههههه
تعالي الكويت وانت تتروق
انت عندك حق الناس مش بقى عندها اهتمام بس الاغرب ان فيه اماكن مش تنفع تفتح متاخر زي الصيدليات مثلا ساعات الواحد بيبقى مستني النهار يطلع عشان يجيب دوا ومش هاوصفلك الحاله بتبقى ازاي
المفروض ان الناس تراعي ان ده اكل عيشها ولازم تاخد بالها منه
وعلى فكره احلى وقت ممكن تحس بيه هو فعلا اللي بعد الفجر مباشره
الجو بيبقى روعه
واهو يبقى خد الثواب كله
ربنا يهدي
انته عارف ..
والله الموضوع ده قارفنى ..
انا بحب ابدأ يومى من الفجر وانا بدرى .. بس للأسف بلاقى نفسى لوحدى وفى ناس للأسف بتبدأ يومها من العصر كده او قبل العصر بشويه ولما يصحى الظهر يقول انا صحيت النهارده بدرى ..
وعجبى
محمد ليك عندى تاج ، الاجابة عليه اجبارى
تخيل لو دققت النظر اكتر هتلاقي حاجات كتيرة اوي في الشعب المصري بقت غريبة جدا دقق وقولي
تحياتي
---عمرو غريب---
عشرة دي متاخر برده ياعمرو مش بدري اوي كده...وبعدين ياعم ربنا يكرمك وتجيب عربية وساعتها هتعرف الحقيقة المرة
تحياتي ليك
---ميراج---
ياراجل مش اوي كده يعني:)
نورتني
---بوسي كات---
الله يسلمك
ماهي دي المشكلة...ماهو انا بدل ماسهر في الشغل ل 2 و 3 .."ب ما انا ممكن اروح وارجع تاني بدري ساعة او اتنين..علي الاقل الجسم هيكون فريش ومصحصح مش زي لو فضلت ل 2 بليل
نورتيني
---بحبك يامصر---
الله يسلمك
اكيد اوقات كتير الواحد بيتحط تحت ظروف تخليه يسهر او ينام لوقت متاخر بس المهم ان دايما نتمسك بالصح ومنحاولش نخلي الاستثناء هو الطبيعي
نورتيني
---احمد الحسيني---
ياباشا انت لما بتنزل مصر بيبقى عيد عشان كده الناس بتبقى قافله :)
بس احلى حاجة اللي انت بتعملها دي...اليوم الصبح بدري كده بيبقى جميل اوي
نورتني
---كراكيب عادل----
ياعم بلاش الناس تنام لساعه 10 لا خليها 12 وتصحى 5 وفي وسط اليوم كده ساعة خطف يبقى عشرة على عشرة
وعلى رأيك الناس كلها دلوقتي وهي رايحة الشغل بيبقى هم الدنيا كله على وشها
تحياتي يافنان
---ولو---
لا موضوع الصيدليات ده...انا مرة دوخت على صيدلية فاتحة جنب البيت الساعة 9 الصبح...دا غير بقى انه لو فاتح يقابلك كأنك يعني جي تتخانق معاه
معاك حق محدش بقى يراعي اكل عيشه
نورتني ياباشا
---ياسر سليم---
ايوه فعلا لأ وممكن بعد لما تصحى بدري كده تلاقى ناس لسه رايحه تنام...ويبقى صباح الاحباط الواحد بيحس ان هو الغلط والناس هي اللي صح وخصوصا بقى لو كان يوم اجازتك ومش نازل
نورتني ياباشا
---بحبك يامصر---
عينيا...هجاوب عليه قريب اوي اوي
تحياتي ليكي وشكرا
---سندباد---
اغرب مافي الشعب المصري هو نفسة الشعب المصري...
كل يوم بحال ولا عارف يتغير ليه ولا لأيه
تحياتي
نورتوني جميعا
محمد سمير
والله عندك حق
انا نفسي لما بصحى بدي بحس ان اليوم مختلف و فيه بركة اكتر
السلام عليكم
لا طبعا انت عندك حق جدا
البركه فى البكور
وسبحان الله الليل للنوم والصبح للشغل
والمفروض الصبح دا يبدأ من الفجر
اى نعم انا مبعملش كدا يعنى
بس هو دا الصحج بدام بنتكلم عن الصح يعنى
ربنا يصلح الحال
ملحوظه الاغنيه اللى انت حاططها دى جامدة جدا انا بحبها
رغم انى مش فاهمه تلات تربع كلامها
بس لحنها يشدك
وخصوصا انها كمان بتاعت ايكام البحر
لا بجد اختيار جميل
تحياتى
بص انا شايفة ان الموضوع ده راجع لقلة الثقافة الدينية واكيد لو عرفوا الناس ان الارزاق بتتوزع بعد الفجر علطوووووووووول محدش هينام من الاساس بعد الفجر وانا معاك قوي في موضوع الاستيقاظ بدري لانه من سنة نبينا افضل الصلاة والسلام وعلى راي الست والدتي اللي ورثتها عن الست والدتها " البدرية منسية "
الجزء الثاني من عفوا حبيبي متقدرش ومتعرفش
http://sfahmy78.blogspot.com/2007/06/blog-post_19.html
منتظر تعليقك
ندعوكم لمشاهدة العدد الثانى من مجلة نفسنا
مش عارفه يا محمد بس متهيألى انت صح
انا مش بحب الصحيان بدرى بس اليوم اللى بصحى فيه بدرى بيبقي يوم حلو اوى على الاقل بلحق الشمس و بفتح البلكونه و بخلص كل اللى ورايا قبل الساعه 12 الضهر
و بفطر وبتغدى و بتعشي زى الناس العاديين
مش عارفه ليه الناس بقيت كسوله كده .. وانا واحده منهم .. بس انا يمكن عشان ماعنديش حاجه اعملها انما الناس اللى ورها محلات و شغل المفروض تهتم شويه
---sharm---
نورتني ياباشا
تمام عندك حق اليوم بيكون مشرق
تحياتي
---رينا--
ماهو احنا بنتكلم عن الصح اللي نقدر نعمله..اوقات كتير الظروف والشغل بيحكوموا غير كده لكن طالما تقدري انك تغيري يومك وتبديه بدري يبقى ليه لأ
انا بحب الاغنيه دي اوي بردو رغم اني مش فاهم نص كلامها
ايمان البحر درويش اغانيه جميلة وهاديه
نورتيني
---قلوب حائرة---
عندك حق "البدرية منسية" رغم ان فيها خير كتير
نورتيني
---شريف فهمي---
عينيا ياباشا شوية كده وهتلاقيني عندك
شرفتني بالزيارة
---نفسنا---
حصل ياباشا ولحقت اول نسخة وهي لسه سخنة
تحياتي
----داليا---
بكون سعيد اوي بزيارتك
فعلا انا قصدي كده الناس اللي عندها محلات وشغلها ملكها هي..تقدر انها تظبط مواعيدها صح وتنول خير البدرية لكن على رأي قلوب حائرة ..البدرية منسية
نورتيني
تحياتي لكم جميعا
محمد سمير
والله السهر ده مشكله
والصحيان متأخر مشكلة اكتر
امنية حياتى انى انام
الساعة 11
واصحى الساعه7 الصبح
بس هتقول لمين
دى امنيتى من زمان
من 5 سنين
بس يبدو ان مفيش فايده
---كسبان---
والله ياباشا دي امنيتي انا كمان وبحاول اعملها على قد مابقدر..
تحياتي ليك وشكرا ع الزيارة
محمد سمير
هو فعلا الصحيان بدرى كويس جدا
بس للأسف كل الناس أتعودت على السهر والصحيان متأخر هنعمل ايه بقى
تحياتى
!!!!!! يابن الذين
سيبك انت من الميكانيكى والكلام ده
انا مالى؟؟؟؟؟
معنديش عربية
ثم هو الفرامل لزمتها ايه اصلا؟؟؟
عاوز تعيش اوى يااخويا؟؟؟؟
سيبك انت
الاغنية دى بنت حرااااام
انا دايخة عليها السبع دوخات والاقيها عندك هنا؟؟؟؟
انا عاوزاهااااااااا
عاااااااااااااا
--بوس بوس---
شكرا على اول زيارة ونورتيني اوي
انا معاكي الناس كلها اتعودت على كده بس لازم نحاول نغير ده
نورتيني
---البتاع---
هيييييههه
حمدالله ع السلامة
اخيرا رجيعتي
ياجمبل الاغنية والشريط كله تحت امرك بس انت تأمري
الا صحيح عملتي ايه في المصيف
نورتيني
محمد سمير
السلام عليكم
يااااااه الصحيان بدري ده
متعة ومزاااااج
يا سلام لما تشوف الشمس بتطلع وتتفرج على الدنيا وهى منورة
عادة اتعودتها من ايام ثانوية عامة
الحمد لله طلعنا بفايدة من ثانوية عامة
جميل موضوعك
وشكرا لسؤالك
سلاماتى:)
مش قادرة
سعيد اني شوفت تعليقك واطمنا عليكي
يابخت انك مواظبة ع الصحيان بدري
حاجة جميلة اوي فعلا
تحياتي
ونورتيني
محمد سمير
Post a Comment