انا مبسوط اوي ان جالي التاج ده من سمير...انا شايف ان التيجان دي بتخلي المدونين بيتعرفوا على بعض بطريقة جميلة وبطريقة صادقة وبتكش جوانب حلوة في شخصيات اللي بيجاوبها وبعض الاسئلة بتخلي الواحد يفكر فيها كتير رغم انه كان فاكرها سهلة...زي بالظبط اول سؤال اللي جاوبت عليه اسهل اجابه رغم صعوبته الشديدة
انت مين؟
انا محمد سمير...26 سنة..مهندس اتصالات
بحب الحياة ونفسي الحق استمتع بيها
مين اكتر 6 اشخاص بتحبهم؟
بالظبط هما 6 والدي ووالدتي واخواتي كريم واسلام وزوجتي وبنوتي فرح
انت سعيد؟
الحمد لله...مهما كانت الظروف اللي بتخلى الواحد يضايق لكن ثقته في ربنا سبحانه وتعالى
بتخلى كل حاجة تهون والحياة تبقى حلوة من تاني
وكفايه رضا اهلي عني وكرم ربنا عليا انا وزوجتي وبنتي
لو اجتمعت انت وحسني مبارك في غرفة واحدة؟
هقوله انزل ياريس الشارع وشوف الناس عايشه ازاي....انت في يوم من الايام كنت واحد منهم
هقوله شوف الدول التانيه الانسان غالي فيها ازاي واحنا هنا ولا لينا اي تمن
هقوله شوف مصر كانت كلمتها عاملة ازاي ودلوقت تسوى ايه
هقوله الحق اللي فاضل وصلح اللي اتكسر ولو على الناس متقلقش..الناس هتديلك الامان وهتحترمك كاول رئيس سابق لمصر
هقوله شوف ياباشا المطبات والفواصل اللي في محور 26 يوليو عامله ايه في العربيات
لو معاك مليون ونص جنيه......تعمل بيهم ايه؟
انت مين؟
انا محمد سمير...26 سنة..مهندس اتصالات
بحب الحياة ونفسي الحق استمتع بيها
مين اكتر 6 اشخاص بتحبهم؟
بالظبط هما 6 والدي ووالدتي واخواتي كريم واسلام وزوجتي وبنوتي فرح
انت سعيد؟
الحمد لله...مهما كانت الظروف اللي بتخلى الواحد يضايق لكن ثقته في ربنا سبحانه وتعالى
بتخلى كل حاجة تهون والحياة تبقى حلوة من تاني
وكفايه رضا اهلي عني وكرم ربنا عليا انا وزوجتي وبنتي
لو اجتمعت انت وحسني مبارك في غرفة واحدة؟
هقوله انزل ياريس الشارع وشوف الناس عايشه ازاي....انت في يوم من الايام كنت واحد منهم
هقوله شوف الدول التانيه الانسان غالي فيها ازاي واحنا هنا ولا لينا اي تمن
هقوله شوف مصر كانت كلمتها عاملة ازاي ودلوقت تسوى ايه
هقوله الحق اللي فاضل وصلح اللي اتكسر ولو على الناس متقلقش..الناس هتديلك الامان وهتحترمك كاول رئيس سابق لمصر
هقوله شوف ياباشا المطبات والفواصل اللي في محور 26 يوليو عامله ايه في العربيات
لو معاك مليون ونص جنيه......تعمل بيهم ايه؟
ممممممممممم
نص مليون لاخواتي واهلي
نص مليون اعمل بيه مشروع خيري
ونص مليون ادلع بيه نفسي انا واسرتي الصغنتوتة
بتحب مصر؟
اوي وزعلان عليها اوي اوي اوي اوي
بتحب البنات؟
البنات دول الزهرة الجميلة اللي في الدنيا...ياسلام سبحان الله بجد
خلق الانثى وفيها كل الجمال اللي في الارض سواء في الطيبة والحنية والرقة والشياكة والزوق
وحاجات كتير اوي (مع بعض الاستثناءات) ز
هاكتفي بالجابة دي عشان مش عايز اعمل توتر في العلاقات الدبلوماسية مع القيادة العليا
انت مسلم؟
الحمد لله
ليه؟
ربنا سبحانه وتعالى اكرمني بالاسلام وكل ما الواحد بيكبر بيعرف اد ايه فضل ربنا كان كبير عليه
مين اكتر شخصية ما تقدرش تستغنى عنها في حياتك؟وليه؟
والله اي حد من الستة اللي فوق مقدرش استغنى عنه..انا رومانسي حبتين بطبيعتي ومرتبط باهلى واسرتي لاقصى الحدود وربنا يخليهم ليا ويباركلي فيهم واكون راضيهم
ايه اكتر موقف محرج اتعرضت ليه في حياتك؟واتصرفت ازاي؟
هو الصراحة موقف مش هانساه..من كام سنة راجع من صلاة الجمعة لاقيت خالتي من ضهرها ماشية في الشارع ورايحة ناحية بيتنا...حبيت اخضها فاروحت مقرب منها براحة وشديت منها الشنطة وجريت
وطبعا انتوا عارفين اللي حصل ...ايوووووووووووووه...ماطلعتش خالتي....ووشي جاب الوان الطيف كلها واعتذرت الف مرة والحمد لله اني كنت تحت االبيت تقريبا والناس كانت عارفاني
ايه الأمنية اللي بتدعي ربنا دايما انه يحققها لك؟
ان ربنا يرضى عني ويهديني ويكرمني ويجعلني انسان بار بأهلي وباسرتي ويلهمني النجاح والتفوق في شغلي وحياتي
تمرر التاج دة لمين؟
امرر التاج ده ل
البتاع
الله..الوطن...المدونة
حنين
رينا
كراكيب عادل
جزء مني
كلام رضوى الجامد
نص مليون لاخواتي واهلي
نص مليون اعمل بيه مشروع خيري
ونص مليون ادلع بيه نفسي انا واسرتي الصغنتوتة
بتحب مصر؟
اوي وزعلان عليها اوي اوي اوي اوي
بتحب البنات؟
البنات دول الزهرة الجميلة اللي في الدنيا...ياسلام سبحان الله بجد
خلق الانثى وفيها كل الجمال اللي في الارض سواء في الطيبة والحنية والرقة والشياكة والزوق
وحاجات كتير اوي (مع بعض الاستثناءات) ز
هاكتفي بالجابة دي عشان مش عايز اعمل توتر في العلاقات الدبلوماسية مع القيادة العليا
انت مسلم؟
الحمد لله
ليه؟
ربنا سبحانه وتعالى اكرمني بالاسلام وكل ما الواحد بيكبر بيعرف اد ايه فضل ربنا كان كبير عليه
مين اكتر شخصية ما تقدرش تستغنى عنها في حياتك؟وليه؟
والله اي حد من الستة اللي فوق مقدرش استغنى عنه..انا رومانسي حبتين بطبيعتي ومرتبط باهلى واسرتي لاقصى الحدود وربنا يخليهم ليا ويباركلي فيهم واكون راضيهم
ايه اكتر موقف محرج اتعرضت ليه في حياتك؟واتصرفت ازاي؟
هو الصراحة موقف مش هانساه..من كام سنة راجع من صلاة الجمعة لاقيت خالتي من ضهرها ماشية في الشارع ورايحة ناحية بيتنا...حبيت اخضها فاروحت مقرب منها براحة وشديت منها الشنطة وجريت
وطبعا انتوا عارفين اللي حصل ...ايوووووووووووووه...ماطلعتش خالتي....ووشي جاب الوان الطيف كلها واعتذرت الف مرة والحمد لله اني كنت تحت االبيت تقريبا والناس كانت عارفاني
ايه الأمنية اللي بتدعي ربنا دايما انه يحققها لك؟
ان ربنا يرضى عني ويهديني ويكرمني ويجعلني انسان بار بأهلي وباسرتي ويلهمني النجاح والتفوق في شغلي وحياتي
تمرر التاج دة لمين؟
امرر التاج ده ل
البتاع
الله..الوطن...المدونة
حنين
رينا
كراكيب عادل
جزء مني
كلام رضوى الجامد
شيماء وبحبك يامصر
وطبعا اي حد عاجبة التاج يتفضل مع خالص التمنيات
وطبعا اي حد عاجبة التاج يتفضل مع خالص التمنيات
17 comments:
السلام عليكم
كل تاج وانت طيب
ومبروك التاج لاول مرة
ربنا يكرمك انك افتكرتنى :)
ربنا يخليلكى زوجتك وبنوتك ويباركلك فيهم ان شاء الله
بس يعنى مش تفتكرنى فى المليون والنص :P
والا احنا بس بتفتكرونا كدا اورديحى بالتاجات :PP
اى فكه كدا
ربنا يحقللك امنياتك
تقبل تحياتى :)
رينا انت اكبر من دا كله..مليون ونص ايه بس انت يهمك الكلام ده
وبعدين انا علطول فاكرك بكل خير
تحياتي ليكي ونورتيني بجد
محمد سمير
ماشي يا باشا
تم إستلام التاج
وجاري التعامل معاه
إنتظرونا قريبا
اليوم وكل يوم
تحياتي
عندك 26 سنة ومتجوز ومخلف كمان
انت صغير قوى على كدة
بس ربنا معاك
تحياتى على صراحتك
انا اول مرة ازور مدونتك بس احييك مدونة جميلة واجباتك كلها ظريفة
---احمد باشا الحسيني---
نورتني يافندم ونحن في انتظار التاج
تحياتي
---ياسمين---
سعيد بمرورك عليا
انا متجوز وانا 25 سنة يعني مش صغير اوي وبعدين مكنتش ضامن احب واحدة زي زوجتي تاني فقلت الحق :)
نورتيني يا ياسمين
---ايوية---
شرفتني ونورتني ويارب ماتكونش جي اخر زيارة
تحياتي
محمد سمير
كلام جميل من شخص جميل
بصراحه انا كنت فاكر ان كل المهندسين ماعندهمش ريحه الرومانسيه بطبيعه الدراسه الماديه اوي
بس من ساعة مابدأت اقرا مدونات وانا عرفت ان العكس هو الصحيح
ربنا يخليلك اسرتك الجميله ويوفقك عشان تسعدهم
تحياتي
مش ممكن يا سمير........حقيقي والله الموقف اللي انت حكيته دة موتني من الضحك
ايه دة يابني....انا مقدر طبعا كمية الاحراج اللي اكيد تكفيك طول العمر بس بجد مش معقول........انا كل ما اتخيل اقعد اضحك لوحدي
اجاباتك اكتر من رائعة مش غريبة على شخصية ممتازة زيك
ربنا يوفقك
تحياتي
بتخطف الشنطة من الست
وتقول كنت فاكرها خالتي
بص علي فكرة انا الكلام دة ميدخلش علي
بص اهم حاجة انك توبت
:)
يا محمد انا بجد مزنوق في الشغل
وناس كتير قبل كدة بعتولي تاجات
هيزعلوا لو عملت دة والباقين لا
يا بختك فاضي
:)
تحياتي
---ولو---
باشا نورتني
عندك حق الكليه بتبهت على طلابها...بس الواحد لحق نفسة بسرعة
تحياتي ليك ياباشا وشكرا ع المجاملة
---احمد بك سمير---
شكرا ع الكومينت اللطيف ده
وعندك حق انت مش متخيل يومها انا كنت عامل ازاي
يانهاااااارر كنت عايز اختفي
نورتني ياباشا
--عادل باشا---
استر عليا ربنا يخليك
انا تبت خلاص وبطلت الحمد لله
بالنسبة بقة للتاج خليه ياباشا في الدور لغايه ماترد على بقية التاجات وكده مفيش حد هيزعل
ربنا يعينك في الشغل..بس لو تعرف الفضا اللي انا فييه يااااااه كنت هتدعيلي
انا ف الشغل دلوقتي على فكرة
تحياتي ليك ياباشا
نورتوني
محمد سمير
ليه كده بس يا محمد
انا زعلتك فى ايه عشان تمرر لى التاج
:(
عموما هابقي اجاوب
انت اجاباتك جميله اوى
ندعوكم لزيارة مدونة خليك فى البيت والمشاركة فى الحملة
السلام عليكم
اجاباتك صريحة وجميلة
وربنا يكرمك في بنتك وزوجتك
بس الوقف ده
صعب اوى
لا لا
انا مش بزود
على الموقف واحسسك
انه صعب اوى
وموقف فظيع
ابدا
خالص
اطلاق
انا بس
برررررخم
سلاماتى:)
---داليا---
ميرسي ياجميل على قبول التاج وفي انتظار اجاباتك
نورتيني
---خليك في البيت---
شكرا على مرورك وع الدعوة
تحياتي
---مش قادرة---
نورتيني وياستي رخمي براحتك
هو انا اطول لما ترخمي عليا
نورتني
محمد سمير
ايه يا عم الاجابات الجامدة ده، شكرا على التاج مع إنى ما بحبش أتسأل
وربنا يخليك فرح ومامة فرح، ويوفقك يا رب ويحققلك كل اللى بتتمناه وتشوف فرح عروسة
كلامك حلو وتلقائى
ربنا يوفقك ان شاء الله
انت وأسرتك الحلوة
تحياتى لك
هنااا
---بحبك يامصر---
ربنا يخليكي يا شيماء...شكرا ع المجاملة
نورتيني
---هنا--
منوراني والله...ربنا يخليكي وميرسي جدا لذوقك
تحياتي
محمد سمير
Post a Comment