النهار ده 3 رمضان...رمضان كريم...والنهارده خلص خلاص والناس شوية وهاتتسحر عشان صيام بكره
رمضان اللي لسه كنا بنقول هالل علينا...وكلها يومين ونغني كمل بدري بدري
الوقت بيجري بسرعة اوي...بنتسرق من غير مانحس وياتري بنعمل ايه
الحياة قصيرة اوي..ولا ياتري احنا اللي ايامنا بقت زحمة اوي واليوم مبقاش مكفينا؟
اليوم بقا ساعتين مبقاش 24 ساعة زي زمان
زمان لما كان واحد يديك ميعاد بعد ساعة كنت بتقول يااااه ساااعة...دلوقتي الساعة بقت زي ال 5 دقايق
مين فينا اصلا نسي رمضان اللي فات؟؟؟...انا فاكره زي امبارح
لما والدتي قالتلي...خلاص يابني رمضان نص تسعة...قلتلها نعم..هو لحق؟ مش لسه مخلصين صيام
سبحان الله السنة بقت زي الشهر والشهر بقا زي اليوم واليوم بقا زي الساعة حتى الساعة بقت زي الدقيقة
هي البركة اتشالت ولا ايه؟
ومش في الوقت بس
لا
في الفلوس وفي النفوس كمان
مبقاش في بركه في اي حاجة
ونغني ونقول
يابركة رمضان خليكي...خليكي في الدار
21 comments:
رمضان كريم
سلام
معاك حق والله
خلاص بقينا 4 رمضان كمان
رمضان كريــــــــــــــــم
والله أكرم
منى
مش عارف اقولك ايه يامحمد
انا عملت زيك بالظبط
فاكر رمضان اللى فات كانه امبارح
الوقت بيجرى
مفيش بركة زى ماانت قلت بالظبط
لكن هنع+مل ايه معدشى رمضان بتاع زمان
السلام عليكم
لا يا فندم
البركة اصلا مش موجودة في اى يوم
حتى لما قلنا نحاول ننظم اليوم
والبركة في البكور
بردو مش لاقيين بركة
والايام بتجري بسرعة غريبة
كأن حد بيجري وراها
__________
أنا فعلا بقالي كتير مازورتكش
فاتنى بوستات كتييير من ساعة "ميسدات"
بعتذر يافندم..حقراهم ان شاء الله
الف مليون مبروك لاخوك ولعروسته
سلاماتي
اااااااه يا محمد متفكرنيشوالنبي كل كوم يا بني وبركة الفلوس دس كوم لوحدها كوم تاني الحجة نزلت السوق يوم الجمعة ورجعت بالسلامة وعاوزة اقولك لما قالتلي على الاسعار الي بقت مولعة خلتني اقول بيني وبين نفسي متخليكي يابنت في بيتت بابكي شوية اديكي بتاكلي وتشربي ببلاش مش احسن ماغ يشيل همك خطيبك اديكي قاعدة اد سنتين تلاتة كويسين مستعجلة على الجواز على الايه اما بالنسبة لرمضان فالايام الجميلة هي الي بتمرسريعا اما الايام الوحشة دي بتقعد تغلش علينا دايما وسلامي لفرحواقولها صومي كويس يافرووووووووحة الاسعار نار والصيام كويس ليكي علشان ياعالم الايام الجاية شكلها ايه
عارف كل يومين ورمضان يخلص و يجي العيد كمان
مش عارفة اقولك اي
بس البركة بقى فينا
يا رب يبارك في الايام الجاية
بس احنا نفتكر ربنا بقى ونراعي ضمرنا شوية
فعلا
رمضان بيجرى و يا بخت الى يحصلة
اه فعلا والله
معاك حق الوقت بيمر زى الهوا
مفيش بركه
وكل سنه وانت طيب
ورمضان كريم
أمر كي أهنئك بهذا الشهر الكريم
الذي يأتي فجأة
ويرحل فجأة
ولم يعد يحمل من الصفات إلا المفاجئ منها
زمان الواحد كان بيقعد يرفص من الجوع آخر نص ساعة ويعيط ويبص في الساعة
دلوقتي المدفع بيضرب إذ فردةَ
أرجو إني أقتبس منك فكرة البوست وأنبه الجميع ان العمر قصير
متجيبولناش الكلام يوم القيامة
اللهم اهدي المسلمين والمسلمات
تسلم إيدك يا زعيم
صباح الفل
عندك حق يا هاني
مافيش بركه في اي حاجه
والشيطان برضه لسه بيضحك علينا
مع انه مش موجود اصلا
بس شيطانا اقوي من ابليس
وابقي سلملي علي فرح وما تنساش الي انا قولتلك عليه
اوك
أولا يا باشا انا واحد بس غيرت البروفيل وخليته علي اسم مدونتي اللي هو راك يور ميندس بالانجلش
فعلا البركه زي مقلت البركه اتشالت من كل شئ
احنا في زمن ربنا ستر علينا فيه
تحاتي لك يا باشا
كل حاجه بقت دلوقتى بتجرى هى جت على الايام
رمضان كريم يا محمد
كل سنة وانت طيب
---4xmisr---
كل سنة وانت طيب ياباشا
نورتني
---وحدانية---
منى سعيد بزيارتك اوي ويارب دايما تكوني منوراني
هنعمل ايه الايام بتجري اوي
---مواطن زهقان---
فعلا ياباشا السنة اللي فاتت كانها مانت امبارح
ربنا يعينا بس ع الايام دي وينولنا ثوابها قبل ماتسيبنات وتمشي
نورتني ياباشا
---مش قادرة---
اخيرا زورتني يا فندم بعد طول غياب
يافندم ماتعتذرش ولا حاجة احنا بس كنا عايزينك تفضل منورتا علطول
طب ظبطنا وقتنا ومانفعش
نصحى بدري واليوم بيجري نعمل ايييييه؟
ربنا يبارك فيكي يا مش قادرة
نورتيني
---قلوب حائرة---
الا الاسعار دي يابيبو...انا ببقا هاعيط وانا بشتري الحاجة...كله بقا غالي وكل يوم بيغلى عن اليوم اللي قبله
الالف جنيه بقت زي الميه والميه لما بتتفك مابتتشافش
فرح بتسلم عليكي كتير وبتقولك انها شاطرة وبتصوم من ادان الفجر لغاااااااايه الاقامة
شوفتي بقا
بتتعب
---ليموناده----
ايووووه البركة فينا احناا
ويارب يكرمنا ويباركلنا فب اعمالنا وحياتنا
منوراني دايما يا نعنشة
---عصفور بلا اجنحة----
يابخته
---حسام مراد---
حسام باشا..يعني بورسعيد...يعني طرح البحر..يعني البمبوطية..يعني اجدع ناس
الوقت بيجري زي الهوا
وياريتنا نعرف نمسكه
نورتني ياباشا
---علوة---
ههههه
حلوة الكلمتين دول
العمر قصيؤ وماتجبلوناش الكلام يوم القيامة
هو مين ياعم بس اللي هيجيلوا الكلام..هههههه.كل واحد وشغلة وربنا يرحمنا بقا
ياباشا كل ينة وانت طيب وربنا يباركلك ويباركلنا في رمضان
نورتني ومنتظر اشوفك دايما
---مصطفى---
صح ياباشا
وساوس النفس اوقات كتير بتبقى اشد من وساوس الشيطان
ربنا يهدينا ويرحمنا
طبعا يا باشا انا مقدرش انسى اللي احنا اتفقنا عليك
بس سؤال صغير يامعلم
انت مين؟
---واحد---
اول مرة اكتب اسمك صح
رغم انك غيرته
نورتني ياباشا بأي اسم المهم وجودك معانا
دا انتا البركة
:):)
كل سنة وانت طيب
---قطة الصحراء---
كل سنة وانتي طيبة يا نانا
رمضان كريم عليكي
كل حاجة بقت بتجري دلوقتي زي مابتقولي
ويارب نلحقها
نورتيني
تحياتي جميعا
محمد سمير
معاك حق محمد الايام بقت تجرى بسرعة جدا وكلة من عمرنا
سبحان الله
وفعلا قربنا نسمع يا بركة رمضان خليكى فى الدار
كل سنة وانت بخير
فعلا الوقت بقى بيجرى بسرعة رهيبة
خلاص بقينا 4 رمضاان
كل سنة وأنت طيب
رمضان كريم
وكل سنة وانت طيب
---ايوية---
بيلا الجميلة
كل سنة وانتي طيبة وبخير وسلام
الايام بتجري وكله من عملانا
يارب نلحق نعمل حاجة في حياتنا
تحياتي ليكي
نورتيني
--- هنا---
كل سنة وانتي طيبة يا هنا
واهو كمان بقا 5 رمضان دلوقتي
الوقت بيجري اوي
رمضان كريم
---بتاع العسل---
وانت بالف خير ياباشا
رمضان كريم عليك ان شاء الله
نورتوني
محمد سمير
معاك حق ف كل كلمة قلتها
ودي من علامات الساعة ان البركة تنزع من الوقت
وزي ما انت قلت بالظبط الشهر بقى كأنه أسبوع والاسبوع يوم واليوم ساعة ووووووووو
وربنا يرحمنا
----------------
جولتك في مدونتي البسيطة اسعدتني جدااا
:)
كل سنة وانت طيب
---الام وامال---
نورتني ياباشا
وشرفتني بزيارتك
فعلا نزع البركة من علامات الساعة
ربنا يرحمنا جميعا
نورتني
وكل سنة وانت طيب
محمد سمير
علي فكره انا كنت متاكد انك مش هاتعرفني
انا مصطفي ابن خالك
منتا عرفت امبارح بقه
انا كنت ممكن اقعد اشتغلك للصبح
بس يا خساره
ياواد يافتك
على رأي يوسف وهبي
ماشي ياسيدي
ادينا عرفناك ونورتنا وشرفتنا وزودت البوج نور وكهربا
بس متبقاش تغيب
نورت ياتيفا
Post a Comment