كان ياما كان
كان في 3 بطابيط حلويين...اسمهم سوسو ولولو وتوتو
كانوا بيحبوا بعض خالص خالص وكانت لولو هي الاخت الصغيرة
وفي مرة مامتهم كانت سايباهم يلعبوا عند الورده الكبيرة اللي في البحيرة
لولو وسوسو وتوتو قعدوا يلعبوا مع بعض ويجروا ورا بعض في البحيرة
شوية كده وزهقوا...وقعدوا يفكروا في لعبة جديدة يلعبوها
سوسو وتوتو اتفقوا يلعبوا هما الاتنين بس عشان لولو صغيرة ومش ينفع تلعب معاهم
سوسو وتوتو اتفقوا يلعبوا هما الاتنين بس عشان لولو صغيرة ومش ينفع تلعب معاهم
لولو زعلت وقالتلهم بس ماما قالت ان احنا التلاتة نلعب مع بعض
سوسو وتوتو قعدوا يضحكوا عليها
لولو زعلت ومشيت لوحدها وسوسو وتوتو بيبصوا عليها ويضحكوا
لولو راحت اشتكت لمامتها
مامتها زعلت اوي اوي وراحت واخداها ورايحة لسوسو وتوتو
قالتلهم ازاي تلعبوا لوحدكم من غير لولو وازاي كمان تسيبوها تمشي لوحدها وهي لسه صغيرة
سوسو وتوتو اعتذروا لمامتهم وصالحو لولو وقالوا انهم مش هايعملوا كده تاني
ولولو كمان اتأسفت انها مشيت لوحدها لانها كان ممكن تتهوه
مامتهم البطة الكبيرة انبسطت اوي وشالتهم ومشيت بيهم وقعدوا يغنوا مع بعض
وتوته توته فرغت الحدوتة
بالموناسبة انا طقت في دماغي اعمل البوست ده بعد ما اتحبست مع فرح بنتي في الاوضة 4 ساعات واضطريت اقعد احكي في حكايات
الصور:- عدسة العبد لله
23 comments:
ندعوكم لزيارة العدد الثالث من مجلة نفسنا
ومن لدية القدرة على الكتابة ويريد الكتابة معنا يراسلنا
nafsena@gmail.com
هيا بقت كدة يعنى؟ ماشى يا عم البطبوط
هيا بقت كدة يعنى؟ ماشى يا عم البطبوط
الله تصدق قصة حلوه
لا وكلها عبر
ما شاء الله
عليه العوض في مخك يا محمد
وبطبط بطبط يا بطبوط
هههههههههههههههه
وانا بقول انت مفتح عينيك
هههههههههه
بس عارف جميلة
دي بتبين روح الطفولة الي لسة فيك
بجد خليك كدة وماترودش على حد
الطفولة الي جواك غمض عينيك وافتكرها دايما وطلعها كل فترة
تحية يا عم بطابيط
والله قصة بجد جميلة بتبين اد اية جمال الاخوة
واد اية اننا لازم نمسك فى بعض قوى كاخوات ومنسبشى بعض ابدا
يمكن قصتك البسيطو وصلتلى المعنى دة
وخليك عايش بروح طفل هتعيش اسعد تحياتى
شكللك بتقرأ ميكي كتير
---نفسنا---
علم وينفذ
---high staff----
شفت بقى..هنعمل اي بس
نورتيني
--احمد الحسيني---
حمد الله ع السلامة ياباشا
نورتنا والليه
بس مقولتليش...استفدت من القصة؟؟؟
:P:P
:)
نورتني
---ليموناده---
ليموناده يانعنشة
ايه النور ده
ماتيجي تلعبي معايا بالمكعبات
:):)
نورتيني
---ايوية---
ربنا يخليكي يا ايه
بس مش اوي كده يعني..دا بيقولك سوسو و لولو وتوتو
:):):)
نورتيني
---المجهول---
وحياتك انت بعملها واشتري ميكي...اينعم مش بانتظام بس بعملها
حد يطول يقرا لاخونا ديزني
:):)
نورتوني جميعا
محمد سمير
خووووووووووووووووووووووووووووووووووووووووووووووووووووووووووووونة اذاى يسيبوا لولو كدة يعنى هيه مش اختهم برده ؟؟ , فكرة حلوة والتصوير تحفة ومامتهم ضهرها فيه بتاع زى السور كدة علشان محدش منهم يقع , الله على العظمة
و الله أنت عسول اوى :)
يا بخت بنتك بيك أكيد كانوا 4 ساعات ممتعين أوى فى حياتها
و الصور بتاعتك جميلة أوى
يعنى بتحكى و بتاخد لقطات حلوة و موهوب فى الأبوة ها ؟ فيه أيه تانى ؟
ياههههههههههه
انت جميل خالص
انا جاية
بس بلاش خناق
انا بحب العب بالمكعبات جدا
وابني بيت وجسور وحجات جميلة
والله انت اب زى العسل .. ربنا يخليلك بنتك .. وخللى بالك من منها :]
انا عن نفسي هبقي احكيها لاولادي لانهم دايما في خناق مع بعض يمكن تهدي سرهم
:)
لذيذه اوى
بس مفيش منها اجزاء تانيه؟
تحياتى
السلام عليكم
لا يا عم انت كده فتحت على روحك حاجات كتير
مليش دعوة انا عايزة حوديت تاني وبالصور الحلوة دية كمان : )
مش عارف
حسستنى انك كنت متعذب مثلا
وعمال أتخيلعملت فيك ايه
خلال الأربع ساعات دول
ربنا يخليك ويخليهالك
وبالمناسبة
ابقى خش عندى كده
هتلاقى لقاء ياريتك تحضره
ولما نشوف بأه :)))
وآه بالحق
ماتعرفش أي اخبار عن احمد سمير
---زي الهوا----
شكرا على مرورك
ماهم في الاخر رجعوا اتاسفوا وصالحوا لولو مش كده ولا ايه
شكرا ع المجاملة
نورتني
---عاليا حليم----
والله انتي اللي ذوق بجد
ربنا يخليكي
انا معجب جدا بمدونتك وخصوصا ان اسمها عندلبيات اخر بوست كان تحفة
نورتيني
---ليموناده----
ايوه كده تعالي يلاا عشان تنعنشي الجو يانعنشة
انا هاحضر المكعبات والكورة بس السندوتشات عليكي
:):)
والليموناده طبعا
---اسلام---
ياباشا ربنا يخليك
وشكرا ع الزيارة الجميلة دي
---عادل---
نورتني والله ياباشا
ربنا يخليهملك دايما ويهديهم
يارب بس الحكاية دي تفيد او تعمل نتيجة
---الاميرة دودو---
شكرا يادودو ع الزيارة وعلى كلامك الحلو
مش عارف بقى موضوع الاجزاء التانيه دي تفتكري ممكن؟
نورتيني
---ناني---
ايه ياعم انت كنت فين بس
عينيا نحكيلك حواديت وبالصور كمان ولا عمو ديزني نفسة
استني انتي بس
:)
---منذر---
باشا نورك مالي المدونة من اول بوست لاخر بوست
وبعدين انا كنت محبوس احلى حبسة...عقبالك انت بس ونشوف هتعمل ايه
:):)
بالنوسبة لاحمد سمير واضح ان كان في مؤامرة بتحاك ضده من شركات الانترنت على الهيئة على سيسكو على الكل عشان تمنعة من دخول النت بس اهو ظهر تاني والحمد لله
انا جي عندك ياباشا دلوقتي واشوف اللقاء ده..بس انت حضر الشاي...خفيف سكر زياده
تحياتي لكم جميعا
محمد سمير
قصة جميلة
انا قربت انام
فين النسكافيه
الله دى تجنن وأمورة بشكل
أحب الحواديت دى موت
أنت جميل أوووووووووى
لا انا هاجى اقعد ويا فرح وتحكيلنا سوااا
ههههههههههه
العزيز محمد
ربنا يخليلك فرح
ويخليك ليها
بجد انت اب جميل
واكيد هى تستاهل
ان يكون عندها اب زيك
فكرة جديده
بعيد عن الاشياء المتوقعه
:):):):)
تحياتى
---عمرو غريب---
ياباشا انت الاجمل
---قطة الصحراء---
وعندك واحد نسكافيه وصلحه
ايووووووا جايييييييي
---هنا---
هنونة انتي اللي جميلة اوي والله
وبعدين انتي تنوري
نحكي حواديت ونلعب بالمكعبات كمان
مستنيكي
---لومي--
ربنا يخليكي يالومي
دا بس من ذوقك
انت نورتيني بجد
تحياتي
محمد سمير
محمد ازيك وفرح اكيد فرحانة بك انت اب هايل بجد واكيد زوج مثالى جدا .ز ربنا يخليكم لبعض الحدوتة لذيذة خالص وجميلو جدا ان شخصيا عيلة وبحب الحواديت المصورة دى والصور لذيذة خااالص ... احيييييك
Post a Comment