الاصدقاء الاعزاء
انا بعتذر عن عدم متابعتي او تأخري في متابعة مدوناتكم ومواضيعكم الجديدة
الصراحة انا اتاخدت على خوانة...انا 75% من متابعتي كانت عن طريق الشغل على اساس اني بكون هناك اكتر من ء10 ساعات يوميا
وهوب مرة واحدة ال-اي تي قطعوا عليا مياه ونور ومابقتش عارف ادخل على البلوجر ولا اعمل اي كومينت دا غير ان لا صورة ولا مزيكا ولا فيديو بيشتغلوا لما بفتح اي مدونة وفعلا الموضوع دا فرق معايا كتير لان وقتي في البيت بيكون ضيق اوي ومابلحقش اعمل اي حاجة فيه....خصوصا اني برجع من الشغل مهدود (70 كم الطريق) وبالتالي اتاخرت اوي واتراكم عليا مواضيع كتير لسه ماقريتهاش
لكن ان شاء الله انا هحل الموضوع ده واظبط وقتي كويس الفترة اللي جايه لانه فارق معايا اوي في حياتي وكمان احنا عندنا في الشغل حاجة كده زي انترنت كافيه هيشتغل من نص اغسطس وهيحل جزء كبير من المشكلة
رجاء قبول اعتذاري
محمد سمير
23 comments:
ربنا يكون فى عونك يا محمد
انا كمان بعتذر انى بقالى فتره مش متابعه عندك
ان شاء الظروف تعدى سريعا
ربنا يكرمك يارب
تحياتى
ياااااااااااااه
دى افشخ حاجة ممكن تحضل فى الحياة
وخصوصا لو عندك وقت فاضى كتير فى الشغل
بس ربنا يسهل والنت كافيه دى تشتغل قريب وتتابع المدونة
ربنا معاك بس مش تحرمنا من تعليقاتك الظريفة
ماشى ياسيدى ربنا يقويك بس هو احنا لسة حنستنى لنص اغسطس ؟ ربنا يسهل وبعدين 70 كيلو ليه هو انت بتروح من فين لفين ؟؟؟ بس عندك حق كتير اوى ده سفر .. تحياتى
مع اني مش فاهم ازاي مش قادر تفتح المدونه ويعني ايه ال-اي تي
بس ولا يهمك ,وبعدين ربنا هيفرجها لك بانترنت كافيه وتقدر تتابع المدونات
تحياتي لك
ربنا يكون فى عونننننننك
مش تعتذر والله اى حاجة
عليك شويه اغانى بتحطها
عبقريه يابنى
ربنا معاك وتقدر توفق ظروفك وترجع لنا تانى
تحياتى لك
لا عادى ياعم بس المفروض وانت فى الشغل متعملش حاجة غير الشغل وظبط وقتك
وفى انتظارك تحياتى
تاخد وصله من عندي يامحمد هههههه
ارجع بسرعه بقي لان البلوج بتاعي مضلم من غيرك لانك تقريبا انت الوحيد اللي منورها
ترجع بالسلامه
----ريمو---
نورتيني ياريمو
طالت غيبتم عننا
حمدالله ع السلامة
(F)
---ميراج---
اه والله عندك حق حاجة تغيظ اوي اوي
بس ان شاء الله محلولة
نورتني ياباشا
---ايوية---
ربنا يخليكي عالمجاملة اللطيفة يا ايوية
ان شاء الله انا هكون موجود دايما ومش هتاخر كتير عن اي موضوع
---بوسي كات---
لا انا ماقولتش اني هنقطع عن المتابعة وان مان قصدي ان المتابعة هتكون بطيئة شوية
وبعدين ياستي انا باروح من شبرا ل6 اكتوبر....عندك من بيتي للدائري 10 كم والدائري 20 كم والمحور 12 ومن المحور لمدخل المدينة 12 كمان وجوه المدينة 6 كم كده المجموع 60 تقريبا وبعد ماابتدوا شغل في المحور بقينا نروح من طريق تاني زياده 10 كم
ايه رايك تيجي معايا
:):)
نورتيني
---وحيد---
لا ياباشا انا بعرف افتح المدجونة واقرا اللي فيها بس في مشكلتين
الاولى اني مش بشوف اي حاجة غير الكلام المكتوب وبس والتانية ان مش بعرف اعمل كومينت...مش بعرف اعمل دخول على الحساب بتاعي اصلا
نورتني ياباشا
---رينا---
ربنا يخليكي يارينا على كلامك الجميل ده
نورتيني
---بوس بوس---
ربنا يخليكي يابوس بوس
انتي منواراني
---ضد الظلم---
ياباشا الشغل ده جزء من حياتي بكل اللي فيها مش مجرد وظيفة بروحلها واخلص واروح
عشان كده بيكون عندي وقت كتير ممكن اظبطه بحيث اخلص شغلي واتابع اهتماماتي
:) نورتني يامعلم والله
---ميرو----
حمد الله على سلامتك ياميرو
والله مش عارف ارد على الكلام الجميل بتاعك ده
اخجلتيني والله
نورتيني
تحياتي لكم
محمد سمير
الله انت طلعت شبراوى اهلا وسهلا انضم بالجيران
كان الله ف العون
هاتفرج قريب ان شاء الله
مستنيين
عارف حاجة
والله انت كلك ذوق
يعني تاعب نفسك وبتعتذر لينا وغير كدة مطحون في الشغل
بجد انت حاجة هايلة
تحياتي واحترامي ليك
أنا بأهزعلان من حاجة تانية خالص
كنا متفقين نتقابل وبتاع
ووبعد كده بومبة صح ولا ايه :))
وسيبتلك كمان الميل ولا في اي حاجة هو متراقب ولا ايه :))
يالا الله يقويك وربنا معاك
---ايوية---
انتي من شبرا؟؟؟؟ تعالي بقة نعمل حملة زي بتاعت ابو العربي نستقل بيها بردو بشبرا ونجعلها ولايه ذات حكم ذاتي
---ولو---
ربنا يخليك ياباشا
كله هيبقى تمام
--ليموناده---
ليموناده يانعنشة
والله انتي اللي ذوق يا نعنشة
ربنا يخليكي ومايحرمنيش من زيارتك للمدونة
---منذر---
اخي العزيز
اعذرني بجد
احد البوستات اللي قريتها كانت بتتكلم عن ان الانترنت والكمبيوتر خلانا معزولين عن علاقتنا الجتماعية... وقتها انا علقت وقلت ان الكمبيوتر والانترنت هو اللي بخليني لسه قادر اعمل علاقات اجتماعية واتكلم في حاجة غير الشغل
معلشي انا ظروف شغلي غريبة شوية...عز الشغل بيكون والناس نايمة او في ايام الاجازات وياسلام لو بقى في عيد ولا ثانوية عامة ولا ماتش الاهلي والزمالك بيكون الكل واقف على راسه
اقصد ان ظروف شغلي فعلا بتخليني يدوبك اقدر اظبط نفسي عشان اشوف اسرتي وافسحها شوية وعشان ازور اهلي
ودمتم بخير
:)
بس كان نفسي بجد اجي..زي مكان نفسي بردو اروح حفلة علي الالفي في الساقية ومعرفتش
يللا واهي ايم وبنعيشها
تحياتي
محمد سمير
العزيز محمد
بالله ربنا يكون فى عونك
وان شاء الله تعرف تظبط وقتك وترجع تعليقاتك تملا الدنيا
وترجع تنتشر زى الجبنه البراميلى
:):):):)
عجبني قوي موضوع الصلصه ده
بس يادوب لسه شايفاه دلوقت
:):):):)
ربنا يعينك ويقويك
شكرا لزيارتك وتعليقك عندي
تحياتي
محمد سمير
ابشع حاجة ممكن تحصل للانسان ان يقطعوا عنه ال-اي تي بتاعه
ازاي الواحد ممكن يعيش وال-اي تي بتاعه مقطوع
ههههههههههههههههههههه
والله ما أعرف ايه هو البتاع ده
وبعدين لو قعدت في النت كافيه المرحلة الجاية هتقعد في البيت وترد علينا من هناك
ههههههههه
شكرا على اعتذارك وزيارتك وتعليقك عندي
تحياتي
ربنا يكون فى عونك ... طيب بدل ما يكون عندك 10 ساعات شغل و بتعد جزء كبير منهم على النت و كده ... طيب ما يخلوا الشغل 6 ساعات بس ... دى إيه الرخماة بتاعتهم دى .. و ساعتها تقدر تعد على النت براحتك فى البيت
عامة ربنا يكون فى العون
قبلنا اعتذارك يا فندم ولا يهمك
ربنا يقويك
ربنا يعينك يا باشا
ماشى يا محمد خلى الحفلة عليا وادعوا كل ساكنى شبرا لحفلة استقالالها
---لومي---
ربنا يخليكي يالومي على كلامك الحلو
بس ايه حكايت الجبنة البراميلي دي....هي بتنتشر بسرعة ولا ايه
:):):)
نورتيني
---سندباد---
ياباشا انت اللي منورني
وبعدين انت بتشكرني على ايه
مدونتك دي بيتي ياراجل
:):)
---ميمي---
ازيك؟ عاملة ايه؟
الحمد لله لسه ماقطعوش عني ال اي تي هو حد يقدر يعيش من غيرة بردو
ال اي تي اختصار لل
Information Technology
دول اللي مسؤولين عن النيتورك والكونيكشنس والسيكيورتي والحركات دي
وبالنوسبة للنت كافيه فا ربنا يستر الاول كان الواحد قاعد على مكتبة شغال ومتابع انما دلوقتي لازم نقوم ونروح النت كافيه
نورتيني يا ميمي والله
---بيقولوا سايكو---
شكرا ع الزيارة ياسايكوا
ياعم انا اول ماشتغلت قالولي الشغل ده بيتك التاني والوقت اللي بتقضيه فيه بيكون اكتر من الوقت اللي بتعد فيه مع اهلك يعني لازم تعيش وتتعايش وتمارس كل نشاطاتك فيه
وانا بتعايش
نورتني والله
----قط الصحراء----
شكرا يافندم
دايما منورني
---ادم المصري----
يااااااه
اخيرا ياعم
انت تقلان علينا ولا ايه
ترررم
ترررم ترررم
تررررم ترررم تررررم
دي تحية عسكرية احتفالا بزيارتك ياباشا
نورتني وماتقطعش الجوابات
---ايوية---
اوكي...وانا موافق ومتحمس
بس انتي حددي المكان والميعاد
نورتوني جميعا
محمد سمير
Post a Comment