التاج ده وصلنى من شيماء-بحبك يامصر والصراحة انا اتاخرت في الرد شوية بس اخيرا رديت.....الحقيقة الاسئلة
كانت صعبة ومحتاجة بحث وتفكير
من هوأحب شخص لقلبك فى الدنيا؟
ناس كتير
انسان مستعد تضحي بحياتك - ركز فى كلمة حياتك- علشانة؟
هما الناس الكتير بردو
اسم أول حب؟
ندا وعلا وولاء وسهام ومروة وشاهيستا وتاهيناروماهينوروسارة وعلياء وكاميليا وروان وهنا وناريمان وبوسي وكيكي و....كفاية كدا
اسم اخر حب؟
ليه كده بس...انا قلبي كبير والحب مالوش اخر
ما هو :اسم أجمل كتاب كتبه بشر قرأته ومحتفظ به حتى الان ؟
رجل المستحيل- المغامرة 120
اسم كتاب-كتبه بشر برضة- انت متعلق بيه وبتقرأه كل فترة؟
ملف المستقبل – المغامرة 120
اهم جهاز منزلى انت متعلق بيه او بتستخدمه كتير ؟
التلاجة
شىء تحس بالراحة النفسية عندما تنظر اليه ؟
صينية فراخ في الفرن بصوص الطماطم وقطع الفلفل الرومي
مكان تحس فيه بالحنين الى شىء لا تدرى ماهو و ذكريات جارفة الى لاشىء ؟
كنتاكي
مكان تحس بالراحة عندما تدخله ؟
ياجماعة مافيش غير مكان واحد......احم احم بلاش احراج
اجمل مدينة زرتها داخل مصر ؟
اسكندرية مارية وترابها زعفران
أجمل مكان طبيعي رأيته داخل مصر؟
نيل اسوااااااااااان
نوع هاتفك المحمول؟
زوكيا
سرعة بروسيسور جهازك ؟
سريعة اوي زي الطيارة
حجم ذاكرة –هارد- جهازك ؟
كبيرة اوي ااااد البحر
المساحة التى تشغلها المواد الاسلامية على جهازك ؟
مش مهم المساحة...المهم الاستفادة
نفس المساحة السالف ذكرها فى قلبك-الاجابة لنفسك عشان الرياء يا اخواننا ؟
ربنا يجعلنا من عباده المتقين
أهم هدف انت واضعه لحياتك دلوقتى ؟
دلوقتي دلوقتي ....اني اقوم اشرب عشان هاموت من العطش
مواصفات فتاة الأحلام بالنسبة لك ؟
ااااااه انا مواصفاتي سهله خالص....تكون امورة وحلوة ولذيذة ومرحة مش كئيبة تكون ستايل واجتماعية
شعرها يكون طوييييييييييييييييللللل ولونة بني فاتح وعيونها لونها بني او اخضر او ازرق مافيش مشكلة بس تكون واسعة.....مممممم
تكون شيك وسمياتيك..... نقطة الاخلاق والاحترام والكلام ده مش هنختلف عليها كتير...ايزي يعني
شعرها يكون طوييييييييييييييييللللل ولونة بني فاتح وعيونها لونها بني او اخضر او ازرق مافيش مشكلة بس تكون واسعة.....مممممم
تكون شيك وسمياتيك..... نقطة الاخلاق والاحترام والكلام ده مش هنختلف عليها كتير...ايزي يعني
صف ما يأتى :شعورك لما بتسمع كلمة مصر؟
وانا جواها ولا براها ؟؟؟؟؟؟
شعورك لما بتسمع كلام عن اليهود ؟
ببص ورايا
شعورك لما بتشوف ظابط شرطة ؟
مش كنت جبت 50% في ثانوي وكان زماني فلحت
شعورك لما بتشوف الكناس العجوز فى الطريق ؟
بشكر ربنا واحمد فضله على اللي انا فيه وبالعن ابو الظروف واللي بالي بالك
لون البطانية اللى بتتغطى بيها فى الشتاء ؟
كستنائي متشنبح بخطوط جنجاه بالطول ومنقط بلون ارجواني
لون الجورب-الشراب- المفضل لديك ؟
الاسود ثم الاسود ثم الرمادي ثم البني في المناسبات
احساسك اذا داست قدمك فى الطريق على مخلفات اخراج حيوان- *** ولا مؤاخذة؟
ولامؤاخذه....انت مالك؟؟؟؟!!!ء
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف ؟
الاسلام دين عصري متجدد وعمره ماكان قالب متجمد
احساس يراودك فى اشارة مرور مغلقة بسبب مسئول كبير؟
بيبقى نفسي وقتها اتحول لسوبرمان ولا باتمان ولا أي حاجة من دول واروح افرجه ع الناس وعذابها في العطلة
وبعدين اخده اتسلى عليه
تمرر التاج ده لمين؟
لا ياعم التاج ده صعب اوي وبعدين موسم التاجات عدي خلاص
الموسم الجاي ان شاء الله
وبعدين اخده اتسلى عليه
تمرر التاج ده لمين؟
لا ياعم التاج ده صعب اوي وبعدين موسم التاجات عدي خلاص
الموسم الجاي ان شاء الله
تحديث
بعض الناس لاموني تصريحا او تلميحا ان انا اخدت الموضوع هزار بالرغم من ان فكره التاج انها تكون بتنقل صوره عن افكار الشخص اللي بيجاوب عليه وعن شخصيته شكلها ايه...حاضر ياجماعة انا هجاوب جد عشان محدش يزعل
ما هو :اسم أجمل كتاب كتبه بشر قرأته ومحتفظ به حتى الان ؟
الرحيق المختوم
الرحيق المختوم
اسم كتاب-كتبه بشر برضة- انت متعلق بيه وبتقرأه كل فترة؟
المسيح-عبد الحميد جوده السحار
أهم هدف انت واضعه لحياتك دلوقتى ؟
اخلص سكريبت ضخم كده بحاول اعمله هيسهل عليا الشغل شويا انا وزمايلي
المسيح-عبد الحميد جوده السحار
أهم هدف انت واضعه لحياتك دلوقتى ؟
اخلص سكريبت ضخم كده بحاول اعمله هيسهل عليا الشغل شويا انا وزمايلي
كده تمام ؟؟؟ بس اعتقد ان بقية الاسئله زي اسم الحب الاول والاخير ولون البطانية ونوع الموبيل مايعكسوش اي وصف للشخصية ولا اي فكره عن دماغ الراجل اللي بيجاوب
تحياتي
محمد سمير
30 comments:
انا الاول هيهيهيهي
اجابات تحفه
انا هلكت من الضحك
تصدق انا كنت واخد حكاية التاجات دي بجد وبجاوب بضمير
بس ديلوقتي الوضع اختلف
مفيش احسن من الضحك
وتنفس عن نفسك شوية
بانك تسخر من حياتك
تحياتي
دمك عسل ابيض ولا اسود بقى انت الى تقرر
بقى احب الاجهزة التلاجة طيب نوعها اية بقى
ده دماغ ايه دى؟
انت بتجاوب ولابتهرج
وبعدين لون بطانيتك وشرابك ايه وحيوان ايه ده اللى دوست على مخلفاته
انا جاوبت التاج ده قبل كده ومكنش فيه الكلام ده
بتالفو كمان
وبعدين ياخوانا لو لقيتو التاج هيفضحكو بلاش تجاوبوه
بتحطو نفسكو ف مواقف باااااااايخه
"وش واحد بيموت من الضحك"
اولا :الف شكر علي ردك في البلوجز عندي و ردك جميل بجد و فعلا كويس ان الرد مكانش في اجازة :(
ثانيا : ردودك جميلة و الله و الاسالة حلوة قوي قوي
ربنا معاك يا ريس
الف شكر تاني مرة
---احمد الحسيني---
باشا سعيد بزيارتك والله ياباشا اجابة ا لتاج بتكون ليك قبل اي حد فا مافيش مانع اننا نضحك شويه
نورتني
---ايويه---
والله ياايويه انت اللي تقولي عسل ابيض ولا اسود
نورتيني
---ساسو---
بكل بساطه اه انا بهرج
كمان مش الفت حاجه التاج جايلي كده مازودتش حاجه
وزي ماقلت التاج بيكون للواحد اكتر من اي حد تاني يعني لا فضايح ولا حاجه
اهلا بيكي في اي وقت
---مشربيه---
ياباشا لا شكر علي واجب وانت منورني هنا والله اتمنى اشوفك دايما
تحياتي لكم
محمد سمير
شىء تحس بالراحة النفسية عندما تنظر اليه ؟
صينية فراخ في الفرن بصوص الطماطم وقطع الفلفل الرومي
ههههههههههههه
تخيل وانا كماااان ههههه
ردود حلوة بجد
يانهار ابيض كل دي بنات حبتها ده قلب ده ولا عربيه السيدات بتاعه مترو الانفاق وبعدين الاسامي دي منين
وبعدين موضوع الايزي ده مش اللي هو يعني لو رقاصه محترمه تمشي معاك
بس هو فيه رقاصه محترمه؟؟؟
اجاباتك حلوه اوي
سيبك انت تاج الحظ مايتعوضش
العزيز محمد سمير
بما انى يا دوب بقالى شهرين وده الثالث فى عالم التدوين
الا انى ما كنتش شايفه التاج ده غيرانه محاوله لفهم افكار الاخر
وبما ان الاسئله واحده والردود مختلفه بس يعنى مش شايفه انه ليه لازمه
بس بصراحه ردودك خلتنى متت على روحى من الضحك
والتاج التانى اللى عجبنى كان عند ولاء اتفضل عندنا
بصراحه كان فيه اسئله جميله فعلا
واجاباتها بجد كانت زى العسل الابيض
تحياتى
---هنا---
حلو اوي..طب ماتيجي تتغدي معانا انهارده
عاملين فراخ في الفرن
هستناكي...متتاخريش
---ولو---
ياباشا دي حاجة كد صغيرة
وعلى فكرة اسماء شاهيستا وتاهينار وماهينور موجوده فعلا واعرف اصحابها وان كانت معرفة غير شخصية
وبعجين ايو في رقاصة محترمة بتبقى من البيت للكبارية ومن الكباريه للبيت
نورتني يامعلم
---لومي---
شكرا على مرورك يالومي
انا معاكي ان التاج المفروض بفهم منه افكار الشخص اللي قدامي وانا في التحديث جاوبت ع الاسئلة اللي ممكن تنقل صوره عن افكاري انما الباقي ماعتقدش
نورتيني بجد
تحياتي
محمد سمير
تعرف احلي أجابه سؤال اسم أول حب في حياتك ، ياراجل دا انت قلبك كبير ولا جنينه الأزبكيه
مكسوفة
سعيد اوي بتعليقك عندي...بجد خلتيني ابتسم وانا اصلا كنت مضايق شوية
وبعدين الواحد لازم قلبه يكون كبير ...مش كده ولا ايه
نورتيني اوي
محمد سمير
أنت تحفة والله
كثير تهربو من التاج
بس انت كنت دبولماسي
وبجد بجد الموبايل واسم الشخص الي بتحب
ولون البطانية واحساسك وانت دايس على حاجة يااااااااااغ
ملهاش دعوة بالشخصية
تحياتي لك
ليمونادة
دا انت كنت مقطع السمكة وديلها بقى يا مان
بقى التلاجة هى الجهاز اللى اكتر حاجه بتستعملها باين انك بتحب الطبيخ أوى
;)
يخربيت عقلك
انت دماغ جدا جدا
تحياتى
ههههههههههههههههههههههههههههههه
الله يهديك
اجاباتك تنم عن شخصيه فيزيقائيه فسيلوجيه ملوخيه جدا
ههههههههههههههههههههههههههههههههه
لا بجد اجابات دمها خفيف
ضحكتنى وانا ملييش نفس:P
السلام عليكم
شكرا لزيارتك لي في المدونة
انا كنت عارفة انه انت الي سلطت الصرصار عليا، ليه هو انا عملتلك ايه؟
هههههههههههه
أجابات لذيذة قوى
تحياتى
خلاص جاية بس عاوزة الصينية كلها
ولا اقولك يمكن اديك حته ههههه
محمد سمير
ردود لذيذة عجبتني مواصفات فتاة احلامك سهلة خالص انت تدخلها على الكومبيوتر وتدوس انتر يطلعلك مخلوق فضائي مش من سكان الارض
طبعا لازم الرد يكون تهريج لان 90% من الاسئلة تهريج بردة
مش كده ولا ايييييه؟
تحياتي
ليه كده بس...انا قلبي كبير والحب مالوش اخر
انا دى اكتر اجابة عجبتنى
اجزت فانجزت صراحة مع خفة دم
ردود جمده ولزيزة بس هو وزنك كام كيلو عايز اعرف ضرورى
تحياتى
الغالب على اجابتك روحك المرحة وده شي لذيذ لايلومك احد عليه كمان مهما كان الانسان حاول يجاوب بكل مصدقية او جدية برضه الشهصية صعبة انها توضح تحياتي ليك
تاج لذيذ يغلب عليه روح المرح وبرضه بتكشف عن بعض سمات الشخصية
فينك يا باشمهندس محمد
متاخر كده ليه
هو كل الى اسمه ىخره فيه سمير
بيتأخر كتير كده
بسايه حكاية الىبيلبس جلباب ابيض ده
ان الإسلام متحجر
ايه علاقة ده بده يا باشمهندس:))
تحياتى ليك
شكلك اخدت تاج العرش
وخليت بالشعب
من اولها كدا :P
اصدقائي الاعزاء اسف ع التأخير مرة تانية وخصوصا في متابعة باقي المدونات بس هاكون موجود انشاء الله
محمد سمير
ليموناده
عبده محتاس
اجدع واحد في الشارع
رينا
ناني
بوس بوس
هنا
ميمي
ميراج
سندباد
ضد الظلم
قلوب حائرة
بجد ياجماعة نورتوني واسعدتوني بتعليقاتكم وانا اسف مرة تانية ان كنت اتاخرت في الرد عليكم...غصب عنب معلش
تحياتي ليكم
محمد سمير
الاخ العزيز منذر
نورتني ياباشا
مين قال ان لبس الجلباب وحش..دا احلى حاجة تلبس الجلباب الابيض الناصع وتروح تصلي في الجامع وترجع تقعد بيه في البيت....راحة الراحة
لكن السؤال كان بيدور عن شعوري تجاه شخص ربما يكون جعل الجلباب الابيض والسواك هما عنوان شخصيتة ومافكرش يخرج براهم على اساس ان دا هو لباس الاسلام لكن الاسلام مش كده الاسلام دين عصري بيواكب العصر والزمن ومتغيراته ولكن بأصول وثوابت مابتتغيرش وهو دا اللي انا قصدي عليه...انت عندك حدود في اللبس انه يكون يخفي العورة ويكون نظيف وملاءم...البس اللي تلبسه بقى طالما تنطبق عليه الشروط دي وماتحطش نفسك في قالب سمي خطأ باللباس الاسلامي وتكون انت الشاذ عن المجتمع باسم الاسلام....الاسلام دين الناس كلها ونزل عشان يواكب المتغيرات في المجتمعات كلها...فليكسبل مش لازم احنا نعمله حدود وقوالب جامدة
:):)
يلا سلام بقى عشان اروح اكوي الجلباب بتاعي
نورتني ياباشا
محمد سمير
انت حابت بنات مصر كلها
Post a Comment