اكتشفت ان انا مدمن مدونات
حد يوصفلي علاج
حد يوصفلي علاج
100% Free Personals from JustSayHi
فعلا التدوين والمدونات بقوا يخدوا حيز كبير من تفكيري ووقتي
لكني الفترة دي بحاول بكل الطرق وبجدية شديدة اني اخرج كل اللي عندي في اقل وقت ممكن عشان اعرف انجز في حاجة تانية
وخصوصا اني ملتزم بكذا حاجة تانية
يعني
للحديث بقية
لكني الفترة دي بحاول بكل الطرق وبجدية شديدة اني اخرج كل اللي عندي في اقل وقت ممكن عشان اعرف انجز في حاجة تانية
وخصوصا اني ملتزم بكذا حاجة تانية
يعني
للحديث بقية
*********************************
كنت واقف مع واحد صاحبي من كام يوم بنتكلم
يعني بناخد وندي في الكلام
وفحأه صاحبي عطس
هو:الحمد لله
انا:يرحمكم الله
هو:اشطه
يعني بناخد وندي في الكلام
وفحأه صاحبي عطس
هو:الحمد لله
انا:يرحمكم الله
هو:اشطه
!!!!!!
*********************************
انتهيت في الشغل من عمل سكريبت(برنامج) ممتاز اوي
البرنامج ده بيراقب اللينكات اللي بتربط شبكة الموبيل ببعضها وبتربطها بالشبكات التانية زي موبينيل كده
ولو في لينك معين عليه مشكلة بيبدأ البرنامج يحل المشكلة دي اوتوماتيك
وفي الاخر خالص بيبعت تقرير مفصل عن كل المشكلة والتوقيت بتاعها وخطوات حلها ونتيجة الحل
والحمد لله القسم كله بيشتغل بالبرنامج ده دلوقتي وخصوصا انه خلى المهمة دي سهلة
انا مبسوط جدا من الموضوع ده لأني اتعلمت لغة البرمجة دي مع نفسي كده وخصوصا انها لغة مش منتشرة وخاصة بالاجهزة دي بس وكمان البرنامج معقد اوي وفيه اختبارات كتير ...الكود مكتوب في اكتر من 15 صفحة
الظريف في الموضوع بقا اني استخدمت في البرنامج متغيرات (رموز لمن لا يعرف البرمجة) زي
LEMONADA
WINKY
SHOKIER
BOCYCAT
ENSANA
ALIAHALIM
MAKSOFA
DESERTCAT
يعني من الاخر التدوين بردو كل دماغي حتى في الشغل
اللي خلاني اكتب عن الموضوع...ان انهارده طلعتلي الرسالة دي
ERROR: UNKNOWN VARIABLE “WINKY”, RUN STOPPED
*********************************
بشري سعيدة
اخيرا...وبعد انتظار
جوجل في القاهرة
الصورة والتعليق من مدونة سامو
*********************************
Join me in Facebook
If you like
I've requested to add you as a friend on Facebook. You can use Facebook to see the profiles of the people around you, share photos, and connect with friends.Thanks,
Mohamed Samir
Here's the link:
http://www.facebook.com/p.php?i=809650176&k=42M34WPZR4T1XJMCUK4U&r&v=2
تحياتي
20 comments:
وايه يعني
سيبه يا راجل ياكل دماغك مش احسن ماحاجة تانية تاكلها
الدنيا دي مالهاش أمان اصلها
وبعدين مادمت بتستفيد منه وبتكتب وتتواصل مع الناس وتتعرف على ناس عباقرة _ إحم .. مش شرط انا يعني ممكن أي حد كمان _ والدنيا إشطة
دوس يا نجم
مستنيك _ لو فاضي _ تعدي على صاحبك ع السريع
الحالة خطيرة جدا
ولازم ندخلك المصحة
انت مدمن بالثلث
ربنا يستر
هو الموضوع دا معدي ولا حاجة
بس ايه حكاية قشطة دي
هي اتغيرت
مش المفروض انها
هداكم الله
او ناس بتقول
غفر لنا ولكم
قشطة دي جديدة
ماتشوفه يا عم لا يكون شاري دين جديد ودا الاوبشن بتاعه
اتاكد بس قبل ما نظلم الراجل
وجميل اوي انك اتعلمت لغة البرمجة مع نفسك وعملت حاجة متميزة اوي كدا
لكن استعن فيها بالمواد التدوينية برضوا
تعالوا خدوه على العربية
كتفوه وجهزوه لجلسات الكهربا
استحمل بقى
علشان تتعالج
كل سنة وانت طيب
يا مدمن
هههههههههه
حلوة اشطة دي
:D
على فكرة انا بردو عملت اختبار الادمان ده بس طلعت اقل منك بحاجة بسيطة
التدوين بجد ده دنيا وعالم تاني اللي يسيب نفسه لهلا هو رايح ولا هو جاي
بس متعة بجد
بالنسبة لبرنامج البيسك بقى انا عايز اقولك ان احنا بندرس الكلام ده وهو فعلا حاجة ممتعة جدا
لكن بصراحة لسة موصلتش لدرجة اني اعمل برنامج من الف للياء
ما شاء الله عليك
ياريت لو تبعتلي الفلو تشارت دي في صورة كبيرة لو ينفع يعني
وهبقى اجيلك تاني قريب اوي ان شاء الله
ومعلش طولت عليك انا اسف
Samir...hehhehe I'm kinda addicted to blogging too..hikss
The blue image down there is pretty scarry after sometime....
Have a gr8 day Samir.
ومين سمعك ياباشا
انا تقريبا 12 ساعه على النت وعمال الف فى المدونات
الظاهر انه فيرس منتشر كل المدونين ادمنوا ولا ايه
ربنا يستر عليك و علينا
ومين سمعك كلنا مدمنين يابنى ..وللاسف مفيش حل وخصوصا الدنيا دى تخليك تدمن التدوين بزياده
جديده اشطه بس بجد ماتتعودوش على كده لان شئ مش حلو لما نغير فى كلمات جميله ونبدلها ولا ايه رايك؟؟
والف الف الف مبروك على البرنامج اللى انت عملته بجد الواحد بيبقى فخور بنفسه انه اخترع حاجه وقدرت تساعد الناس وتسهلها عليهم ...واحنا كمان فخورين بان معانا مدون عبقرى :)
هههههههههههههه...حلوه اوى جوجل الان بالقاهره دى بجد جامده ...هههههه
معلش انا مقصره جامد فى زيارة المدونه وده للمدونات كلها علشان رمضان وانت عارف بقى ..وشكرا جزيلا على السؤال اللى بجد اسعدنى
سلاااااام :)
ازيك يا محمد .. من رأئى ان طالما الادمان ده فى حاجة مفيدة يبقى ميهمكش ولا علاج ولا حاجة ياريتنى انا كمان اكون مدمنة .. العلم نورون
87% بحالهم ماشاء الله
تخيل انا طلعت كام 56%سقطت يعنى فى امتحان التدوين حالتى صعبة محتاجةدروس تقوية
انا مفهمتش حكاية البرمجة ماليش انا علاقة بالكمبيوتر الحاجات دى بتجيبلى اعاقة ذهنية
حلوة حكاية اشطة دى هجربها ههههههههههه
يالا سلام
هههههههههههههههه
الظاهر كلنا مدمنيين نت
انا صحيح تواجدى فى المدونة يمكن قليل
شوية لكن انا موجودة على النت
باشارك باتصفح وحاجات كثير تانية.
انما تعلمت البرمجة اذاى
جميل بجد برافو عليك
وحلوة اشطة دى على فكرة ههههه
السلام عليكم
متشكرين على المعلومات يا درش
رة الجاية اما يبقى حد يعطس متردش عليه اصل دي حاجة موديل قديم اوي
عوزة منك تساعدني بحاجة بخصوص
Solar Panel Array Sizing
or
integral passive solar power
فهمت حاجة؟
اه
اسكت ده انا كمان طلعت مدمن مدمن ادمان فظيييييييييييع
ربنا يشفينا يامحمد احسن خلاص انا قبل ما اشتغل الصبح لازم اعمل جولة صباحية على المدنات ربنا يشفيني انا وانت يارب
المفروض بقي يكون فيه مصحه لعلاج مدمني التدوين
سلام يا باشا
سلام عليكم ازيك يا محمد
ربنا يشفيك من الادمان
واية حكاية قشطة دي
ههههههه
جديدة
يعني انت بتتمني لة ربنا هيرحمة وانت ليك القشطة
طب تبقي تجيب حتة بقي
اهتم بشغلك اللي جانب التدوين
ميمنعش يعني
يلا
سلامممم
عزيزي محمد
بجد بجد
عجبني جدا البوست ده
عجبني أوووووي
أنا كمان مدمنة نت و تدوين
في كلام كتيـــــــــــــر عايز يطلع من جوايا
بس بحاول أحجمه
عشان أديكم فرصة تعلقوا
أصل اللي بيحصلنا كتير
ولازم يتقال
تحياتي
منى المحمودي
يانهار ابيض
اولا مبروك على الشكل الجديد وان كانت متأخره شويه وبعدين كل دي بوستات لازم اقراها
وكمان مدونه جديده وف الاخر الاقي المرض تملك منك وبقيت
مدمن
بس انت مدمن من الاوائل مش من بتوع لا انت جايب مجموع كبير يدخلك اي حته عايز تروحها
بالتوفيق وربنا يعينني
---مصطفى السيد---
ياباشا ولو مش فاضى افضالك
دا انت كفاية ان فيه في اسمك سمير
دي رخصة دولية لوحدها
وعلى رايك دمن التدوين احين ماادمن حاجة تانية
نورتني في اول زيارة ياباشا
مستنيك دايما
---ماعلينا---
ايه النور اللي ملا المدونة مرة واحدة بس
اه اكيد ماعلينا
الكبير وصل يا اخوانا
شوفتي بقا الادمان
امان ادمان يعني
مش أي حاجة
محسوبك اساسا سوابق
ادمان مدونات وشات ومنتديات والحاجات دي
ادعيلي بالشفا
اما حضرتك اشطة دي هي التطور الطبيعي لبروتكول تشميت العاطس
واهو تغير
وخليكي دايما بره الصندوق زي مابيقولوا
بس خدي بالك احسن تتوهي
مش هندور على حد
التايهين بقوا كتير اوي
ويلا خليها اشطة ياباشا
بس سيبيك انتي
انتي منوراني والله
باحس اني منبسط اوي لما بتزوريني ونفسيتي كده بتنتشي زي البطة
قوليلي
انت خطك الموبينيل كارت ولا فاتورة؟
انا هاظبطك قريب ان شاء الله في موضوع الرقم ده
دوونت ووري
يلا سلام بقا
---الام وامال---
اولا ياباشاش انت تطول زي مانت عايز
انت منورني هنا
اشطة دي تجديد يامعلم
عشان مانزهقش
وبعدين ماكلنا طلعنا مدنين اهو
امال الناس بتبص عليا شذرا ليه
بص ياباشا البرنامج ده مش بيسك خالص...دا اصلا على ستيشن يونكس مش ويندوز اصلا والفلو تشارت اللي في الصورة دي..مجرد صورة ممكن تجيبها من ع النت...لو عايز ممكن ابعتلك بتاعتي
اكتبلي الايميل وابعتهالك
نورتني
---Noushy Syah----
It seems that blogging became one of the most vital manners in our life Noushy
My mind became high-configured to translate all events to blog material.
Anyway I’m trying tp make some control on that, It destroys my time
For the pic below, at that post I was talking about someone who appeared with a scared face and posted bad comments on my blog.
Thanks for your visit Noushy
u are always welcome
---قطة الصحراء----
بيقولك في تطعيم نزل له يانانا ماتعرفيش نروح فين
: ) : )
---عصفور بلا اجنحة----
ربنا يستر يامنى
---كيتي---
اخيرا كيتي نورتني
من بعد غياب
على رأيك يا كيتي كلنا مدمنين تدوين
وياستي انا لا اخترعت ولا حاجة...دا برنامج ونفذته وخلاص ماوصلتش للعبقرية خالص..دا انا غلبان اوي
بس سيبك انا بفكر اقدم السي في بتاعي في جوجل دى هيبقى شغل جامد جدا
نورتيني ياكيتي
وكل سنة وانتي طيبة
---بوسي كات----
معاكي يابوسي
بس أي حاجة بتزيد عن حدها بتقلب ضدها على طول
حتى لو كانت مفيدة
نورتيني
---ياسمين---
لا لا مش سقطي ولا حاجة
طالما فوق ال 50%...ماتقلقيش ناجحة ناجحة
ابقى جربي قشطة وقوليلي عملت معاكي ايه
: ) : )
----هنا----
هنونة
ازيك
طالما انتي موجودة ع النت على طول كده
طب ياعم ماتحن علينا وتنورنا
وتتحفنا بتخاريفك الجميلة
جربي انتي بس قشطة دي وقوليلي ردود الفعل هتكون ايه
نورتيني اوي ياهنا
---ناني---
ازيك ياناني
ماتخافيش مش هتوصل لكده
الراجل وهو بيكلمنى كان ضايع اصلا وعايز ينام والكلمة طلعت منه بتلقائية تحفة
اشطة يعني وبيس يامان
: ):): )
بصي بالنسبة لموضوع الطاقة الشمسية دي
انا ماحتكتش بيه غير مرة واحدة
اوقات محطات الموبيل بتكون في مكان مافيهوش كهرباء وبتكون التغذية عن طريق الخلايا الشمسية ومرة تطفلت على واحد بيشتغل فيهم وشرحلى شوية حاجات كده كان من ضمنها ال sizing وطريقة حساب الناتج وكده
بس معلومات عامة يعني مش اكتر
لو تحبي اساعدك في حاجة معينة انا تحت امرك بس توضحيلي اكتر
عينيا ياناني
---حسام مراد---
ياباشا ربنا يشفيك ويشفينا
نورتني ياكبير
---قلوب حائرة---
بيبو
انتي فين
وحشتينا والله
كنت لسه هدخل اسال عليكي
مختفية ليه
وادمان ايه بقا هو انا بشوفك؟
ماتتاخريش عليا تاني بقا احس اعمل فضايح زي المرة اللي فاتت
نورتيني ياهبه
---واحد---
ايوه الله ياباشا
ونعمل كده صندوق نسميه اغاثة المدونين
احسن الواح بقت حالته وحشة اوي
نورتني
---My hope---
ماهي دي المكافأه
ربنا يرحمه وان اخد القشطة
ناكل ونظبط
بس بعد الفطار بس
والله انا بحاول قدر الامكان اني ماجيش على حساب حاجة عشان خاطر حجة
بس بجد التدوين بقا هو اللي رابطني بالدنيا من حوليا
نورتيني
---وحدانية---
وليه تحجميه يامنى
قوليه
طلعي كل اللي عندك
وبردو هلاقي مكان نقولك ونكلمك ونحكي معاكي
قولي انتي بس واحنا معاكي
وربنا يخليكي ع المجاملة بتاعتك دي
نورتيني
---ولو---
انت فين ياراجل
المهم يكون الشكل الجديد حلو وعجبك
ويارب البوستات اللي فاتت هي والمدونة الجديدة يعجبوك ياباشا
ربنا معاك
نورتني
تحياتي لكم جميعا
محمد سمير
إدمان
وقشطه
وبرمجه
والمهم إن كل كلمه من الكلمات السابقه تعمل بوست لوحدها
وإنت جمعتهم بصورة خفيفه وجميله بجد
أحييك على مدونتك
وفقكم الله
سلوى
ربنا يخليكي ع المجاملة الرقيقة دي
انتي نورتيني والله
Post a Comment