تابع التحديث اخر البوست
تحية خاصة ابعتها للنادي الاهلي
نادي القرن
الاهلي فوق الجميع
كلمة احترمها الجميع واشتروا بيها حب الملاييين
الحب والوفاء والاخلاص والتفاني والثقة والايمان صفات كل من ينتمون لهذا الصرح المشرف
تحية خاصة للاداريين وللاعيبه وللجهاز الفني ولمجلس الادارة المحترم
جزاهم الله كل خير على الفرحة اللي جماهير النادي عايشه فيها
لما واحد ينسى همه وحزنة ويرسم بسمة على وشه عشان فرحة فوز او بطولة يبقى اكيد الناس هتاخد ثواب
تحية كبيرة للنادي الاهلي
نادي القرن
الاهلي فوق الجميع
كلمة احترمها الجميع واشتروا بيها حب الملاييين
الحب والوفاء والاخلاص والتفاني والثقة والايمان صفات كل من ينتمون لهذا الصرح المشرف
تحية خاصة للاداريين وللاعيبه وللجهاز الفني ولمجلس الادارة المحترم
جزاهم الله كل خير على الفرحة اللي جماهير النادي عايشه فيها
لما واحد ينسى همه وحزنة ويرسم بسمة على وشه عشان فرحة فوز او بطولة يبقى اكيد الناس هتاخد ثواب
تحية كبيرة للنادي الاهلي
****************************************
قررت اسافر الاجازة دي بالعربية
عايز اظبط الكاوتش
عايز اصلح الاستبن
عايز اظبط الكبالن
عايز اظبط زوايا
عايز اربط العفشة
عايز اراجع ع الكهربا
عايز اراجع ع الزيوت
عايز انضف فلتر البنزين
عايز وقت لدا كله
****************************************
انا متابع مستمر للبوستات الجديدة
لكن مش بقدر اكتب كومينت عشان البلوجر مقفول عندي في الشغل
رغم اني اوقات كتير بكون اول واحد يقرا البوست
واوقات كتير بكون هموت واكتب كومينت
عملتها مرة من الموبايل بس قعدت نص ساعة بدور ع الحروف العربي
فسامحونى بقا لو كنت بتاخر شوية في التعليقات
****************************************
اكتشفت ان الاخت هي نعمة وهبه جميلة من ربنا لاي انسان
****************************************
عشان بيبو فاضحاني ع البلوجسفير كله وكمان قالت عليا منوفي كل دا عشان عزمتها على بيبسي دايت واتاخرت عليها عشان سبته في التلاجة يسقع شوية وكمان بما ان ليموناده نفسها اتفتحت ع البطاطس بتاعت كوك دوور وبما اني اترقيت في الشغل من كام يوم كده فا انا قررت بقا اعزم كل المدونين ع الحفلة دي
يلا ياجماعة سندوتشات وتورتة وبيبسي وكولا وكل اللي نفسكوا فيه
انا كنت ناوي اخلي ايوية هي اللي تعمل التورتة بس قلت يانهار ابيض هو انا هاعزمها واقولها ابقى هاتي التورتة معاكي وانتي جايه...مش هينفع ...صح؟ فطلبتها من فندق جورج سانك في باريس وجاتلي بالطيارة
يارب تعجبكوا وياريت بقا وانتوا ماشيين كل واحد يسيب 20 جنيه على باب المدونة وهو خارج
****************************************
في وسط مشاغل الايام
ومن بين رحايا الحياة
نخطف من الزمن لحظات
نسبح بعيد..بعيد
في دنيا مسحورة
نسبح بعيد..بعيد
في دنيا مسحورة
موجوده بس في الخيال
مع ارض الساحرات
مع البساط
مع فارس الاحلام
واجمل الاميرات
اميرات الاحلام
البوست القادم
انتظروني
############################
تحديث و بيان هام
انا عايز اقول نقطتين
اولا ناس كتير بتقول عليا فشار وان انا جايب التورتة من عم حسن الخباز والموضوع لا فيه جورج سانك ولا باريس ولا حاجة
وانا حفاظا على صورتي قدام جمهوري العزيز ولانهاء كل هذه الاشاعات المغرضة
جبتلكوا الدليل اللي مافيش زيوا مثيل
الوصل اللي دفعت بيه تمن التورتة في فندق جورج سانك في باريس
حد عنده كلام تاني عايز يقوله؟؟؟
تانيا
العشرين جنيه
الناس كلها فاكرة انها تمن العزومة...لا لا ابسوليوتلي
زي مانتو شايفين انا دافع 1400 يورو تقريبا عشان التورتة بس يبقى العشرين جنيه دي هتعمل ايه يعني
ياجماعة العشرين جنيه دي
معونة شتا
اشمعنى كل لما جي ادفع مخالفات المرور يدفعوني 5 جنيه معونة شتا غصب واقتدار على رأي اللمبى
وولا حد عارف المعونة دي بتروح فين
ولذلك انا قررت اجمع انا كمان معونة شتا
بس خلاص
انتهى البيان
38 comments:
الله
التورتة عجبتنى قوى
جميلة
عايزين عزومة من دى بقى كل اسبوع
:)
بس المرة الجاية من غير 20 جنيه
يامنوفى
:)
هههههههههههه
يخرب عقلك
والله دا اجمل بوست النهاردة
لاء الاسبوع كلو مش حيكون في بوست اجمل من كدة
اي دة كل المدونين مرة وحدة وكمان الطرتة من جورج سانك
اي دة يا فشار
طب فين ال20 جنية الي عليك
حتنكر اني سلفت فلوس
هههههههههههه
شوفت مش بكاش وفشار لوحدك
كمان اخدتنا في دوكة انا و بيبو يا عم
ملناش دعوة
غير العزومة دي لازم تكون في عزومة انفرادية لوحدنا
بعدين فين البطاطس ولا انت منوفي بجد
هههههههههههه
تحفة والله
تحياتي المفرفشة :)
السلام عليكم
بقى كدة العزومة لناس وناس؟
طب وحلو ام علي الي عملتهولك والمهلبية راحوا فين؟
: )
ههههههه حلوة اوى يا محمد والتورتة اللى جاية تكون نص شيكولا ونص كريمة ومبروك عالترقية ويارب كدة على طوووووول وبعدين انت حتسافر فين بقى ؟؟
جاى فى ايه .ز وسافرت فى ايه ومريحتش عندنا ليه ؟؟؟؟ ربنا يوفقك .. وتحياتى الخاصة جدا
اه صحيح البوست اللى جاى باين عليه فظييييع يعنى جامد اوى حنستناه بفرغ الصبر لازم تشوقنا يعنى ؟؟
يا راجل
مش تقول يا عم انك عامل عزومة ونظام طيب بقولك بينى وبينك كده ومحدش يعرف انا عايز حقى ناشف يا مان يعنى العشرين جنيه اللى انت بتقول عليهم انا مش هحطها على باب المدونة وشوفلى معاك كده حوالى 300 جنيه
اقولك ازاى طبعا احنا عارفين ان البيبسى ماكس بسعره السياحى يبقى 2.50
وبعدين انت بتقول ان فيه تورته جايبها من فندج عمنا جورج يبفى الحته اللى انا هاخدها تقريبا تخشلها فى 285 جنيه
والباقى بقى انت عارف مناديل واستعمال كوبايه وطبق وشوكة يعنى انا هوفر عليك والله
بس هات الفلوس وانت مش هتسمع صوتى خالص فى اليوم ده ولو مجبتش يا محمد يا سمير الفلوس انت حر وعارف انا ممكن اعمل ايه
والله أجيبلك فايزة وما ادراك ما فايزة
وبعدين تعالى هنا انت مسافر رايح فين
هتروح فين من غيري يا أبو سمرة بعدين نبى نشوف الموضوع ده
الحاجة الأخيرة وانا مبسوط اوى منها
مبروك يا مان على الترقية وعقبال ما تبقى الكبير فيهم يا عم
الحاجة بقى اللى بعد الأخيرة
انا مليش فى الكورة عشان كده انا مش هتكلم لا على أهلى ولا اسماعيلى ولا زمالك ولا المصرى
مبروووووووووك ياعمنا على الترقية علشان تعرف وشنا حلو عليك وبعدين انت داين نفسك عند كل الناس كده
تسجيل حضوور وموعدنا باليل يا عسل
يالهوى ايه دوشة دماغ العربيات دى .. الحمد لله ماسمعتش كلام ماما عشان اروح اتعلم السواقة هههههههه بلا قلبة دماغ بقا
الف مبروك على الترقية ويارب دايما فى نجاح اللهم امين
اما بالنوسبة للتورتة فمش عارفة ليه حاسة انها بايظة .. كاميكاز كان نفسه يهجم عليها وانا منعته عشان خايفة عليه اوى الصراحة
انت عارف بقا فراش المدونة وحارسها الأمين مش أى أى
:D :D
الف مبروك ع الحفلة يافندم
الف مبروك على الترقية
ومن عنيا هجيبلك احلى تورتة
معيا وانا جاية
انت تامر بس واحنا ننفذ
حلوة اوى التورتة يا محمد
يا مالكنا ومشربنا بيبسى دايت
ومدفعنا عشرين جنيه تعيش لنا ياباشا بس العشرين جنيه بتاعتى ابقا خدها من عبده محتاس اصله مستلف منى 300 جنيه زى اللى عايز ياخدهم منك دول
بوست هايل يا محمد وانا بصراحة ماليش فى الكورة انا كمان
بس هى العربية انت كنت بتمشى بيها ازاى لما كل ده عايز يتظبط
دى كلها محتاجه تتظبط
ازيك يا محمد ثوانى كده
يا قطة
إيييييييييييه بتقولى ايه اصل انا مش سامع كويس
واخد منك كام 300 ايه
ليه مش انتى اللى قلتى خد دول يا محمد هدية منى ليك عشان العملية الأخيرة بتاع الحشيش والبانجو
ايه بلاش اسيحلك قدام الناس
حكم
:P
وثانيا مين اللى يدفع العشرين جنيه المعلم الكبير وهو سيادتك ولا الصبى بتاعه وهو انا ايه يا معلمى
دا احنا ورانا عمليه صقع بكره الصبح فى وسط الصطع بتاع العمارة اللى جنبكم بتاع المعلم ابو شفطورة بتاع قرشين الحشيش
انا بفكر بس ومحدش يبلغ عننا البوليس
حد عايز العنوان بالتفصيل
محمد يا سمير خد من قطة 40 جنيه بتاعتى وبتاعتها
اوكى يا مان
أولا الف مبروك علي الترقيه
ثانيا ليه ماشء الله 20 جنيه هو انتي هتوكلنا ايه
كتير ياعم 20 جنيه وكمان مش دي عزومه عاوز تفعنا كمااان هههههههه
بس انا مستعد ادفع 20 جنيه بس تغدينا ومش اي غدا فرخه كده ولا اقولك خليها سمك
وحاجه ساقع
وبعد كده احلي بالتورته
ممممممممممممم ايه تانتي اصلي انا لازم اخلص بالعشرين جنيه ههههه
------------------
انتي باين عليك اهلاوي صميم بس انا اتضايقت من الاهلي لما هزم من النادي الاسباني مش فاكر اسمه ههههه
علي فكره انا لا اهلاوي ولا وملكاوي انا بشجع الكره الحلوه
الف مبرووك مره اخري يا لاعسل علي الترقيه
ياااه الجاتوه حلو قوي يعني
سلام يا باشا
نصيحة من اختك غير العربية احسنننننننننن
كده بردو يا محمد
أنا كنت فاكره فى تورته بالشيكولاته
وكمان ندفع فلوس
ههههههههه
بس بجد فرحت لك اوووووووى عشان الترقيه
مبرووووووووووك يا جميل
ويارب ايامك كلها تكون نجاحات كبيره
سلامى ليك
---ميراج---
بالهنا والشفا ياباشا
بس عزومة كل اسبوع؟ طب من جورج سانك بردو؟
نورت
---ليموناده-----
صباح الفل يانعنشة
والله انت الاحمل
وبعدين تعالي هنا 20 جنيه ايه دي اللي انا مستلفها منك..زايه هندخل في الجو دا؟؟؟ لا لا خدي بالك مني
وبعدين اه...التورتة انا جايبها من جورج سانك ولا مش مصدقة اخطفي رجلك لغايه هناك هتلاقي وصل الدفع باسمي في مكتب استلام التورت اللي جنب الريسبسيون
:)
بالنوسبة بقا للعزومة الانفرادية...عينيا
هاعزمكوا على اكله بطاطس محصلتش
فرايز وفرسكس وتشيزي فرايز والبطاطس الغريبة دي بتاعه هارديز وكده ياعني
انتي تأمري ياليمو
وبعدين ال20 جنيه دي بقا ليها سر ومش هاقوله النهار ده
:P
نورتيني يانعنشة
---ناني---
العزومة دي لكل الناس يا ناني
وبعدين ياجميل انت مش اي حد
دا انتي بتقولي ام علي ومهلبيه
ايه بس الكلام الكبير ده
:)
انتى تنوريني
وانتي اللي هتقطعى التورتة
يا هلا يا هلا
---بوسي كات---
كالعادة تعليقك يضفي ابتسامة جميلة عليا
ربنا يخليكي يابوسي
انا مسافر اجازة يومين بس كد الى مدينة ماعرفش غير اسمها والتدوين خلاني مشتاق اروحلها
ياترى هي ايه؟؟؟
لو قلتيها صح هاجبيليك التورتة نص شوكلا ونص كريمة ولا قولتيها غلط هاجيبهالك بردو
البوست اللي جاي هيكون لذيذ ان شاء الله وبيحكي حالة حلوة اوي كنت فيها قريب
نورتيني
----عبده محتاس---
معلمي...ايه الكلام ده
احنا بنقول بيبسي ماكس وكولا زيرو وجورج سانك وطيارة وباريس وكلام كبير اوي وانت جاي تقول 300 جنيه...؟ عيب عليك ياباشا مش مقامك خالص
وبعدين مين قالك اصلا ان هيبقى في شوك ومعالق وسكاكين واطباق والكلام ده
لا لا التعامل هيكون مع الهدف مباشرة...وعلى فكرة بقى انا بس مارديتش اقول واسيح
المفاجأه ان فايزة هتكون موجودة
وريني بقا هتعمل ايه
وماتنساش انت بالذات وانت خارج تسيب 300 جنيه
سلام ياعمدة
---بيبو---
ايه النور ده
السنين بتعدي بسرعة والله
ولا بيبو هي اللي بقت تزورنا؟
وبعدين الله يبارك فيكي
انا كش داين نفسي عند الناس كلها ولا حاجه بس يعني عشان محدش ينسانس
;)
انت مودك مش تمام اليومين دوا صح؟؟
روق ياكميل مافيش حاجة تستاهل بجد
نورتيني
---وحيد---
سمتنيناك ياباشا
---انسانة----
ماتصدقيش اد ايه انا مبسوط اوي انك جيتي وزورتيني يا ياسمين
ومبسوط اوي انك خرجتي من الموود بتاعك
ومبسوط اوي انك جبتي معاكي كاميكاز
بس زعلت اوي انك بتشككي في التورتة
دا كلام دانا بقول جايبها من باريس وماحدش مصدقني
انا هعمل سكان للوصل اللي جبت بيه التورتة عشان الكل يصدق
نورتيني
---ايوية----
اوعى اوعى اوعى ووسع لاجمد بنات شبرا
يعني الشياكة والجدعنة والقلب الجامد وبردو الشقاوة
:):)
تسلم ايديك يا ايوية اكيد هتبقى تورتة تحفة طبعا ولا تقوليلي جورج سانك ولا جورج كاتر
الناس دي بس بنجيب منها لما نتزنق في حاجة ع السريع
:)
نورتيني
---قطة الصحراء---
انتي بس تعالي كل يوم وانا هاجيبلك تورتة وهادفعك العشرين جنية بردو
ياجدعان ماحدش عارف العشرين جنيه دي فايدتها ايه
دي ليها فايده كبيرة اويييييييييييييييي
وبعدين العربية لو تعرفي ماشية بدعاء الوالدين ربنا يكرمهم
بالنوسبة لعبده محتاس بقا
انا كنت حاسس ان هو بيعنل كده...بيلف على حفلات المدونيني وياخد 300جنية بدل تورتة على اساس ان عايز يجهز ويصلح غلطتة مع فايزة بس المرا دي انا جبتهاله الحفلة ويوريني هيعمل ايه
وياجماعة كل اللي ليه فلوس عند عبده محتاس يقولي وفايزة هتتصرف
----عبده محتاس----
البرنس الكبير اوي
حضرت نفسك يامعلم لفايزة؟
انا ياباشا مش هدخل في الخناقة اللي بينك وبين قطة
وان كنت شاكك فيك...انا كل عملياتي مع قطة بتخلص تمام التمام وكل واحد بياخد حقة
واخرها عمليه شق التعبان مسلماني شنطة مقفولة فيها 30 جنيةحقى من العملية بالتمام والكمال
انا مستني
---وحيد ---
ياجماعة العشرين جنيه دي مش حق العزومة خالص
دي ليها سر وكبير كمان هقول عليه في التحديث اللي هعملة ع البوست
وبعدين ياباشا انا جايب ساندوتشات من كوك دوور حسب طلب ليمونادة
انا عارف طبعا ان الكلام دا ماينفعش معانا بس نقضيها ساندوتشات وبعد الحفلة نروح بقا ناكل
:)
انا كمان مش اهلاوي متعصب ولا حاجة بس انا عاجبنا اداء الاهلي ونجاحة واحترامة لنفسه ولجمهوره
تحياتي
---عروس البحر---
اول زيارة واحلى زيارة
نورتيني ويارب تكوني انبسطي هاحاول مع العربية اقبل مافقد الامل
:)
نورتي
---دودو---
ياسلام يادودو
نجيب تورتة كلها شيكولاته عشان خاطرك
بس المره دي بقا نخلي ايوية تعملها
ومش هاقولك بقا
لا باريس ولا طنطا
هتعجبك ع الاخر
:):)
الله يبارك فيكي
غقبالك انتي وكل اللي تحبيهم
تحيايتي
محمد سمير
I passed to congratulate it with its work and to desire a good August to it in vacation.
نعم نعم ايه اللى بتقوله ده يا عبده
سطوح ايه وبانجو ايه وحشيش ايه
انت نسيت عملية القتل اللى عملتها فى التسليم الاخير
وبتنكر كمان انك عرضت عليا رشوة طربة حشيش
طيب على فكرة بقا انا كنت عاملة حساب كدا وسجلت لك كل المكالمة علشان وقت اللزوم اللى هو ده
خليكو شاهدين يا بلوجرز
محمد سمير يارافع راسنا مفيش عملية قومت بيها الا لما تمت فى السكرتة مش زى ناس لازم يعملوا لنا فضايح كدا ويسيحوا
على فكرة انا شاكه فى الايصال ده
وعايزة العشرين جنيه بتاعتى
اهلا اهلا اهلا اهلا اهلا
انتو كلكو عليا ولا إيه
ايه يا ابو سمرة دا انا بقول انك حبيبى ومليش غيرك تقلب عليا عشان قطة آه يا عم انا عارفك بتخاف من القطط بس انا بقول لا والف لا انا مش بخاف من القطط آه
ويا قطة ورينى هتسمعى الناس دى الشريط ازاى وبقى انا اللى بسيح لكل عملية برضه ولا انتى اللى بتضطرينى انى اسيح وانتى اللى بتبدأ على العموم يا ستى انا معدش ليا شغل معاكى
وهشوف شريك تانى
على الأقل عمولتى هتزين من 40 جنيه ل 41 جنيه
الجنيه بيفرق دلوقتى يا قطة
سلام يا قطة
نيهاهاهاهاهاهاها
آه أبو سمرة اللى كان حبيبى وواكلين فى أروانه واحده
بقى انا أسيب 300 جنيه وانا كمان بلف على البلوجرز وألم منهم من كل واحد 300 جنيه طيب ماشى
ماشى
آه يا عم انا بلم من كل واحد 300 جنيه
فتونة ولا انت فى شوقك تقول حاجه ها
إمضاء
عبده أبو المحاتيس
ههههههههههههه
متشكرة على التوضيح يا عم
هو انت متعصب لي
روء يا عم
حتى لو جايب الطرتة من عند فلفلة او حتى بلبع الي معندهمش طرتة خالص
حنقول صح ونكون راضييين
هههههههههههههه
تحياتي يا عم
وبخصوص ال
20 جينية
مسمحاك يا عم
بس ماتقلش انك مش واخد الفلوس
مايصحش
هههههه بهزر والله
نعنش بقى وفكها
على فكرة بطاطس هارديز كمان بحبها
انت الحجات دي بتعرفها ازاي
همممم
انا متراقبة ولا اي
يا خراشششششششششششششي
نسيت اقولك مبببببببببببببببببببببببببببببببببببببببررررررررررررررررررررررررررووووووووووووووووووووووووووووووك
على الترقية
طبعا يا محمد حققك تاخد ضريبة تورتة
اول عشرين جنية هتوصلك فى البريد السريع
ممكن سوال يا جماعة ممكن اعرف مين الاستاذ ديفد دة لو حد عرف لة عندى جايزة ورمضان قرب وكل سنة وانتم طييبين
طب يعني انت بعت جبت تورتة من باريس
معرفتش تبعت تجيبلي حشيش من افغانستان و لا ماريجاوانا من جامايكا
جيت بس عملتلي هوليلة عندي و خلاص
ماشي يا بوحميد
الف الف مبروك الترقية
و الاهلي
حاسك مبسوط في البوست ده
و يا رب دايما تبقى كدة
بس متنساش القرش بتاعي المرة الجاية
و عربيتك غيرها بقى احسن
معقولة يعني راجل بيزنس مان زيك دافع 1400 يورو في تورتة و عربيته عايزة كبالن و تيل فرامل و تربيط عفشة
ربنا يعينك عليها
سلام مؤقت
امسك يا سيدي و ادي ورقة خضراء ب 20 جنيه كمان لزوم معونة الشتاء و هاتلك بلوفر حلو بقى
بقي يا راجل عاوز تخليني اصدق دافع 1400 يورو في تورته
بس انا برده مصمم ان التورته دي من عند
عم حسن الخبااارز ههههههه
انا حر بقي
وبخصوص العشريين جنيه يلا مش مهم ادي ورقه بميه يا عم
محمد بجد انا سعيد بمعرفة مدونتك
الله يحفظك يا عسل
وكمان الوصل ده بالفرنساوي وانا مبفهمش فرنسي
اه بخصوص العربيه
ايه اخبارها
ايه دة بقى
كدة عملت الحفلة قبل ما اجى ياربى
وكلتوا التورتة
لا ماليش دعوة عاوزة حتة
ههههههههههههه
مبروك على الترقية
ويارب دايما كدة ناجح وتترقى
فى الشغل
ايه رأيك بقى فى الدعوة الحلوة دى
مش استاهل عشرين جنية
يالله ادفع بقى بسرعة
قبل ما اضاعف المبلغ هههههههههههههه
اول حاجة ماشى ياعم اهلى اهلى مفيش مشكله بس ايه رايك فى متش المصرى والاهلى كنا هناخد المتش بس تتعوض وملكوش دورى السنه دى انشاء الله
ثانى حاجة خد بالك من الكوتشات وانت مسافر ليا واحد صحبى قبل ما نسافر بيفضل يوضب فى العربيه لحد ما نزهق ونسافر مشى
وبالنسبه للعزومه انا مقاطع الحاجة الساقعه يعنى متحطهاش فى الثلاجه اشطه تحباتى
أسفة على التأخير بس أعمل أيه الجهاز منه لله ... اللللللللللللللللله حلوة أوى الحفلة دى و التورتة أم 1400 يورو قال منوفى قال مين الى قال كده و كمان بيبس كانز لالالالالالا أنا كده حابقى طماعة
مبروك على الترقية فى الشغل و عقبال نجاحات تانية كتير أن شاء الله
انت فين يا محمد
وفين العشريين جنيه
انت حر بقى هيبقوا 40
انت اللى هتدفع ههههههه
السلام عليكم
حفلة
ومعرفش
ومااتعزمش
مبروك يا مان
على الترقية
سلاماتى
حلو الموضوع ده
من كل بستان ورده
انا كنت باحب الاهلي
دلوقت باموت ف المنجه
بس تكون عصير
تحياتي
اولا بالنسبة للاهلي الف مبروك ولو اني مليش في الكورة من اساسه
ثانيا رأيي تسافر بالقطر اسهل من العربية
ثالثا خليلك التورتة علشان الريجيم وهاخد الماكس بس
رابعا الاخوات دول اغلى نعمة ممكن ربنا يديهالنا ربنا يخليهم
خامسا مش مشكلة التاخير بس ماتقطعش خالص مش كده ولا اييييييه؟
تحياتي
السلام عليكم
حشيش وماريجوانا وبنجو ايه ده يا عم انت
هو انت جاتلك ترقية ولا شغلانة بعد الضهر بالبطنية؟
بس لو لقيت انجل دست ابقى جبلي معاك
وخلي بالك من صاحب البوابة ليبلغ علينا
: )
شكلنا هنتقفش
هههههههههههه
يالهوى عليك
انا مش عارفة اعلق على ايه ولاايه
بس حتة ان الواحد بيقرا البوست ونفسه يكون اول حد
ساعات بقى على ماتكتب التعليق تلاقى حد واتنين سبقك وحط تعليق قبلك
هههههه
عموما ياعم ابقى اعزمنى كالما انت معاك فلوس كده؟؟؟
او هاتلى تورتاية من الجامدين وتعالى المدونة
ههههه
او حتى بيتزا ولاتنين من بعجر
:D
انت فين غايب ومش بتعلق على الموضوعات
---david Santos----
You are so welcome and thanks for your congs.
---قطة الصحراء---
ايوة كده..اديلوا يا قطة
شايف ياعبده يامحتاس المستخبي بيبان اهوه
خد بالك بقا
وبعدين الايصال دا اصلي اصلي ياقطة..احنا تلاميذك بردوا بس بلاش والنبي حكاية العشرين جنيه دي..اصل القلوس اللي بتطلع مني بتجيبلي حساسيه
---عبده محتاس---
باشا..انت حبيبي وصاحبي
بس انت عارف الشغل شغل...بسبس از بسبس
وخصوصا في شغلتنا دي الحيادية مطلوبة
بس تعالى هنا وقولي....انتا هتشارك مين تاني
ايه ياعبده انت عارف اللي يخرج عن طوع المعلمة بيحصلوا ايه
خد بالك بقا اليومين دول
سلام ياعمده
---ليموناده----
ليموناده المنعنشة
انا مش عارف انتي فهمتي كلامي ازاي بس انا مش كنت متعصب خالص وكنت رايق ع الاخر وانا بكتب هذا التوضيح الهام والمهم جدا
ياجميل حد يبقى عنده في التعليقات ليموناده ومايروقش؟؟ّّ
نورتي يانعنشه
:) :)
ياخراشششششي
نسيت اقولك
الله يبارك فيكي
:P:P:P
----ايوية----
ف انتظار البريد يا ايوية
بس عندك حق صحيح ../ين ديفيد سانتوس ده....دا موجود عند البشرية كلها
يكونشي قريب الاستاذ بلوجر بذات نفسيته؟
نورتيني
---شاه---
ياباشا معلش بقا
الصنف اللي انا جايبهولك لا هتلاقيه في افغانستان ولا في أي مكان
دا صنف اصلي اصلي يعني
جرب وقولي
وبعدين ياباشا انا بحب اعيش مع الشعب
متواضع بقا اعمل ايه
عشان كده ماشي بعربيتي ومش راضي اغيرها
لازم بردو نقرب من المواطن اكتر
يارب دايما نكون كلنا مبسوطين وفرحانين والله يبارك فيك ياباشا
نورتني
---وحيد---
ياباشا اخجلتم تواضعنا بكلامك الجميل ده
انا اللي مبسوط والله بمعرفتك
وبجد انت وكل المدونين بقيتوا بتحتلوا حيز مهم جدا في حياتي وفعلا كسبت بيكوا اصدقاء ممتازين
اما بخصوص الوصل حضرتك فهو اصلي وصحيح
وبعدين اعملوكوا ايه
ارفع قضيه صحة توقيع ع الفندق عشان تصدقوا ياجدعان
بس انت هاعديهالك عشان خاظر الكرم بتاعك ياباشا
العربيه ياباشا تمام الحمد لله مش فاضل غير انها تتغسل غسله حلوة
نورتني ياوحيد
---هنا---
ابدا ابدا
مين قال ان احنا ابتدينا الحفلة قبل مانتي تيجي
وبعدين انا اصلا شايلك تورتايه صغيورة كده ليكي
انا بردو كنت عارف انك هتتأخري
الله يبارك فيكي يا هنا
بس بردو ماليش دعوه عايز العشرين جنيه
ياجماعة اعمل ايه..العشرين جنيه دي مش ليه دي لل....ولا بلاش
نورتيني
---ضد الظلم---
ابو العربي باشا
الاهلي اهلي بردو ياباشا حتى لو كان المصري فاز
ربنا يسهل انا راجعت ع العربية كلها وان شاء الله كله هيبقى تمام
وياعم بلاش منها الحاجة الساقعه خالص...هاجبلك عصير مانجه فريش
نورتني ياباشا
---عاليا حليم---
اميرة الرومانسية
نورتيني يا عاليا والله يبارك فيكي
ويارب منوراني كده دايما
---هنا---
عينيا ياهنا بس لما تدفعي اللي عليكي الاول
:P:P
--مش قادرة—
عيب عليكي
انتي صاحبة بيت وماتتعزميش
انتي تيجي تفتحي المدونة وتدخلي علطول
الله يبارك فيكي
نورتيني
---ولو---
خلاص ياباشا اجيبلك عصير مانجه مع ابو العربي
نورتني يامعلم
---ميمي---
ياميمي الرجيم مش هايبوظ من حته تورتايه صغيورة
وبعدين عندك حق بجد الخوات احلى نعمة في الدنيا
بالنسبة لمتابعة المدونات انا بطلب من اصحابي يعزروني وان كنت مقصر شوية معلش بجد
نورتيني يا ميمي
---ناني---
اللي ماتعرفيهوش بقا ان صاحب البوابة هو الكبير بتاعنا
وبعدين الاصناف بتاعتنا هتعجبك اصلها اصلي وبتاعة بلدها
بس هنحاول نجيبليك البتاع الغريب اللي بتقولي عليه ده
:)
نورتيني اوي ياناني
---حدوتة---
ياحدوتة انتي حدوتة والله
ونورتيني بجد
وبعدين فلوس اسه اللي معايا
دول يدوبك نقطة في بحرك مش كده ولا ايه
وع العموم خلاص تعالي اعزمك عند بعجر
ايه رايك
نورتيني يا حدوتة
---ايوية---
شكرا لسؤالك الجميل ده
كنت في دوامة والله يا ايوية بس الحمد لله خلصت
عائد ان شاء الله
نورتوني جميعا
محمد سمير
Post a Comment