ليبيا تبلغ القاهرة بعزمها علي اعدام ثمانية مصريين أدينوا في جرائم قتل في ليبيا خلال الاشهر الثلاثة القادمة بمجردانتهاء الاجراءات القضائية....الله...بتقول مين ياواد...بقولك ليبيا يابا الحاج...ليبيا اللي جنبينا ديه؟؟!!!...مش دول بردوا اللي مش عارفين ينفذوا الحكم على الممرضات البلغاريات بقالهم 8 سنين وكل لما يحكموا عليهم بالاعدام الاتحاد الاوروبي يرفعلهم العصاية..اشمعنى المصريين يعني؟ ودول عملوا ايه دول ياواد.....بيقولك جرايم قتل يابا الحاج...يسلااام وهما البلغاريات كانت تهمتهم قزقزة لب مثلا ماهي برده جرايم قتل وايه قتل اطفال بحقنهم بالايدز يعنى صباحو اجرام
المصريين بقوا متهانين ومالهومش وزن ولا قيمة في اي مكان ولا وراهم بلد تجيب حقهم...صحيح ماهو حتى قيمة البلد نفسها بتتراجع يوم عن يوم...اه قتلوا ومذنبيين بس قتلوا ليه؟ وهما متغربيين عن بلدهم عشان يعيثوا في الارض فسادا ؟ ولا عشان لقمة العيش اللي مش عارفين يلاقهوا في بلدهم فيروحوا يشتغلوا في بلد تانية كانوا بيتمنوا رضانا في يوم من الايام دلوقتي بيزلوا في اي حد رايح يشتغل عندهم ويعاملوه كخدام...بس يعمل ايه ماهو اكل العيش مر طب وايه اللي رماك عالمر قالك بلدي..اه يابلدي بدل ماتصونى كرامتي بعتيني في كل مكان ليبيا والسعودية والكويت وقطر وكل الخليج..دا انتي حتي جواكي بعتيني للي يدفع اكت ويللا العشرة بقرش والحسابة بتحسب.
وشدد السفير محمود عوف المشرف علي القطاع القنصلي بوزارة الخارجية المصرية علي ضرورة احترام احكام القضاء الليبي... طب والاتحاد الاوروبي ماحترموش ليييييه...ولا الاحترام خلاص علينا احنا بس؟....طب والمصريين اللي هناك دول قتلوا ليه..اكيد اتهانوا وطلع عينيهم...طب هما بقه مابيحترموناش ليه زي ما احنا حلوين كده وبنحترم حكم القضاء بتاعهم.
يللا اهم فيهم الخير برده انهم بلغونا انهم هيعدموا 8 مصريين...ولو انها ماكانتش هتفرق اوي يعني لو لم يبلغونا
لكي الله يامصر...ولك الله ياشعب مصر...
المصريين بقوا متهانين ومالهومش وزن ولا قيمة في اي مكان ولا وراهم بلد تجيب حقهم...صحيح ماهو حتى قيمة البلد نفسها بتتراجع يوم عن يوم...اه قتلوا ومذنبيين بس قتلوا ليه؟ وهما متغربيين عن بلدهم عشان يعيثوا في الارض فسادا ؟ ولا عشان لقمة العيش اللي مش عارفين يلاقهوا في بلدهم فيروحوا يشتغلوا في بلد تانية كانوا بيتمنوا رضانا في يوم من الايام دلوقتي بيزلوا في اي حد رايح يشتغل عندهم ويعاملوه كخدام...بس يعمل ايه ماهو اكل العيش مر طب وايه اللي رماك عالمر قالك بلدي..اه يابلدي بدل ماتصونى كرامتي بعتيني في كل مكان ليبيا والسعودية والكويت وقطر وكل الخليج..دا انتي حتي جواكي بعتيني للي يدفع اكت ويللا العشرة بقرش والحسابة بتحسب.
وشدد السفير محمود عوف المشرف علي القطاع القنصلي بوزارة الخارجية المصرية علي ضرورة احترام احكام القضاء الليبي... طب والاتحاد الاوروبي ماحترموش ليييييه...ولا الاحترام خلاص علينا احنا بس؟....طب والمصريين اللي هناك دول قتلوا ليه..اكيد اتهانوا وطلع عينيهم...طب هما بقه مابيحترموناش ليه زي ما احنا حلوين كده وبنحترم حكم القضاء بتاعهم.
يللا اهم فيهم الخير برده انهم بلغونا انهم هيعدموا 8 مصريين...ولو انها ماكانتش هتفرق اوي يعني لو لم يبلغونا
لكي الله يامصر...ولك الله ياشعب مصر...
6 comments:
عجبت لك يازمن .. عموما ده حال دنيتنا وعايزة اقول لكان فى مصريين هنا فى بلدهم مش برة بلدهم بيعشقوا الذل والمهانة فما بالك بقى برة ...؟؟؟؟
عادي بقى يامعلم
مصريين ايه و8 ايه وبتاع ايه؟
قلتلي هو الفرح كان فين؟ في شرم الشيخ؟
طيـــــــــــــب
تحياتي واحتراماتي
هو انت مستغرب يامحمد؟؟
ده الطبيعى
ده لو كان حصل العكس كنت أنا استغربت ومصدقتش
اهلا بك فى مصر
---------
عايزه لينك الأغنيه دى يا محمد لو سمحت
---------
تحياتى
بوسي كات
عارفة الناس ديه نفسها تعيش بكرامتها بس صدقيني اوقات كتير بتبقى الابواب كلها مقفولة...ربنا يلطف بينا
سمير باشا
اه ياباشا الفرح كان في شرم الشيخ بس امانة عليك متفهمش غلط..دا كان قمة في البساطة
ريمووووو
والله الواحد بيقى يصعب عليه حال البلد واهل البلد ياريموو...زمان "انا مصري" كانت بتتقال بفخر..دلوقتي صدقيني اوقات كتير بتتقال بخوف
لينك الاغنية تحت امرك ياباشا
http://www.esnips.com//selectedfile/emaildoc/0ae49002-0979-42d7-921d-0db0b02086e1
8 بس
يا عم انا فاكر الف ولا الفين
عادي عادي
مصرييين
عادل باشا
نورت المدونة
صدقني 8 زي الف والفين
الكرامة واحدة في الاتنين
تحياتي ليك
Post a Comment