Wednesday, December 17, 2008

البوست رقم 100


هاي عليكم ياشباب…ازيكوا جميعا…واحشني والله….انا بعتذر عن غيابي المستمر…انا بجد مفحوت في الشغل….ومازال النفخ مستمرا لكني قدرت اهرب انهارده واهدي الجو حبتيين.

البوست دا يبقى البوست رقم 100 في مدونتي العزيزة غمض عينيك … وقت ما ابتديت التدوين عمري مافكرت اني هكون مرتبط بيه كده...ولا عمري فكرت في اني ممكن اوصل للبوست ده

جميل اوي انك تكتب وتتكلم وتفضفض باللي جواك وفي نفس الوقت تكون في فرصة للناس انها تشاركك وتديك رأيها

الفضفضة هي كانت اساس التدوين عندي...كنت اوقات كتير ببقا عايز اتكلم او اعلق على موضوع معين ومش كنت باعرف..او كنت تقريبا بكون متوقع ردود الافعال والاراء من خلال معاشرتي للناس حواليا

لكن التدوين فتحلي سكك وطرق كتير اوي ورتني حاجات انا مكنتش اعرف عنها حاجة وعرفني على معلومات وناس ومعاني مانكرش فعلا انها غيرت حاجات كتير جوايا

ومع الوقت بقا التدوين حاجة مهمة اوي في حياتي..حتى وان كنت غبت عنه في الفترة اللي فاتت شوية..بس انا فعلا ارتبطت بمدونتي "غمض عينيك" واوقات كنت (ولازلت) بكتب حاجات لا تصلح للنشر وبحتفظ بيها في الدرافت بتاع المدونة

 

انا فعلا سعيد جدا بالخطوة اللي خدتها دي وسعيد جدا بالناس اللي اتعرفت عليهم من خلال المدونة سواء على صفحات الانترنت او من تشرفت بمقابلتهم وبقولهم بجد ياجماعة شكرا اوي على الاضافة اللي ضيفتوها في حياتي واتمنى ان علاقتنا الطيبة دي تفضل ممتدة الى مالانهاية

 

العزيزة "غمض عينيك" مبروك البوست رقم 100 وعقبال الالف

 

تحياتي

محمد سمير

10 comments:

لماضة said...

مبروك يا ابو فرح
بس ايه ياعم الصور الجامده دي
ههههههه
براحه شوية على اليتامى دول مش كده
ولا اقولك انا هنادي على مامة فرح تيجي تشووووووووف

بحب اهدي النفوس قوي

sakayar said...

مبروووك يا محمد باشا
ومش تتأخر كتير علينا يا سيدي كده
مش عارف انت ف شغل بجد
ولا الصورة دي هي الشغل بقى النجومية واخداك وكل يوم ف حفلة ومش معبر المساكين للدرجة اللي ما بيصدقوا يشوفوا صورتك ف الشارع
ههههه
مبروك على البوست 100 وعقبال المدونة 230
دمت سعيداً

Bannoura said...

مبروك يا أبو فرح
: )
عقبال البوست الـ 1000
وعقبال البوست اللي تكتبه فرح بنفسها إن شاء الله
: )
عجبتني فكرة الصورة
متميزة و لطيفة
تحياتي

Dr Ibrahim samaha said...

عقبال الألف ياباشا

والمليون كمان

ويعينك فى شغلك ويوفقك

تحياتى

د إبراهيم

A.SAMIR said...

يا سيدي يا سيدي
اولا ايه الصور التحفة دي
انا طبعا قصدي على صورتك انت بس ماليش دعوة خااااااااااااالص باللي ماسكينها
الف مبروك يابو سمير وعقبال البوست رقم تريليون وميتين
تحياتي واحتراماتي

بس خلاص ... said...

الف مبروك على البوست100 وعقبال الف وميه ... وكمان ايه الصورة الحلوة دية ......بصراحة صورة ميه ميه
تمنياتى لك بدوام التدوين والسعادة بكل المحيطين من احبه ومحبين

Rehab Mostafa said...

مبروك على البوست ال100 وكل 100 بوست وغمض عينيك طيبه :)

آلام وآمال said...

ألف مبروك يا محمد باشا
وعقبال البوست الألف ان شاء الله
:)

أحمد سعيد بسيوني said...

عقبال البوست الألف

بس يا تري هتجيب لنا صورة معبرة عن الحدث اكتر من الصورة دي ازاي
!!!!!!!!

دمتم سالمين

Nani said...

سلام عليكم
الف مبروك للبوست المية
:)
وياريت تنشر الموجود في الدرافت
:)