من باريس
بلد الازياء والموضة
التقطت هذة الصور وتركت لكم التعليق
جزمة (لامؤاخذة)2500 يورو للي مش شايف الرقم
طاقية او بيسموها شابوه ب 200 يورو
دي بقى لسته الاسعار بتاعت الاخت المانيكان اللي فوق
البرمودا 2550 يورو
المايوه (مش باين في الصورة) ب 450 يورو
الجاكيت الزينز الحلو دا ب2190 يورو
الدزمة (لا مؤاخذة يعني) ب460 يورو
البروش واحد ب 355 والتاني 415 يورو
اللفة اللي حولين الرقبة دي (الكولير) ب 960 يورو
الجينز ب 320 يورو
الحزام..الحزام..ايوة الحزام ب 490 يورو
الشنطة الامورة دي ب790 يورو
حد قال هات...يامدام يا انسه يا بيه
حد شاري
؟؟؟؟؟
15 comments:
ايه يا بو سمير
انت باريس لخبطتك ولا ايه؟
وبعدين يا عم بعني يوم ما تبعت لنا كام صورة من باريس تبعت صورة جوز جزم لا مؤاخذة وشابوه
طب يا برنس ما الشانزليزيه مفتوح وواسع...مفيش صورة شانزليزاوية كدة ع الطاير؟
تحياتي
أه هاتلى انا
دى أسعار مريحة جدا يا شيخ
أيه البخل بتاعك ده مخلصكش يطلع من ايديك تجبلى ايشارب فرنساوى من هناك ؟
هو دة طبيعى بالنسبة لمستوى المعيشة هناك؟؟؟
ولا دة غالى ..ماهو بردوا لازم الواحد يحكم على الاسعار بالنسبة للمستوى المعيشى ..سيبك من الحال المصرى التعبان
ماكنتش اعرف ان الاسعار فى باريس رخيصة اوى كدة
دلوقتى بس فهمت السبب وعرفت اد اية هو بخيل وبيسترخص الحاجة ويجيبها من باريس ويقولى من الشواربى وحياة عينيا
رجالة؟
امال اييه
اصلها حاجات بتلمع هههههههه
مش اى اى ولا ذى ذى
هههههههههه
انا عاوزة مندااااااااااا
انا متواضعة اي حاجة تيجي منك حلوة
بس انا كنت عايزة اقولك حلو قوي انك تحلم ببلد وبعدين تروحها
ماشاء الله
بس عايزة اعرف هو انت اصلا
سافرت باريس تتفسح يعني ولا شغل ومعاك حد ولا الون
وبجد هاف نايس تايم
بون شانس
سلام
قول يا عم قول
احنا نبيع ممتلكات الشعب عشان نشترى بقى
تحياتى
نرجوا الغيبة دى تكون سببها خير
ما انت الغلطان حد قالك روح باريس مالها بركة السبع
طب ماجبتش حاجه كده علي الماشي
وهابقي اظبطك بقه
بس خلاص انت جيت خلاص
حمد لله علي السلامه
اخبارك أيه ؟
الف شكر يعنى بلاش الجمايل دى
لو على حسابك ممكن
مالها العتبه ماله الموسكي مالها يعني الوكاله عم زؤرت كفر يعني ولا ايه دا ب50جنيه بتمنجه اخر منجهه هههههههه
وبعدين ايه اللي وداك الاماكن ديه
يعني عايزين تعقدونا يعني ولا ايه
هههههههههههه
اول زياره وان شاء الله مش هتكون الاخيره بعد اذنك يعني
تحياتي
عيد ميلاد عندليبيات اليومين دول
ازيك يامحمد اتمنى تكون رجعت بالسلامه معلشى مش حعرف اعلق على البوست لانى فى زياره سريعه بس استمتعت جدا بالصور اللى نشرتها عموما عن باريس ودائما بتشاركنى معك فى لحظاتك الجميله ولحظات قراراتك الهامه
انا مررت لك التاج واتمنى تقبل منى هذا الاهداء وهو عباره عن ذكر 10 حاجات عن شخصيتك ثم تمريره الى 5 مدونين مع ذكر سبب اختيارك لهم بس مش يكونوا جاوبوه قبل كده
تحياتى
سلامى لساره وبنوتك الرقيقه
بو بوم تك بوم بوم تك
Post a Comment