ء"عشان احنا مصريين كان لازم نكسب"..دي كانت كلمة واحد من المشجعيين اللي نزلوا الشارع بعد فوز المنتخب بكأس الامم الافريقية....تأمل الكلمة كويس كده...انا شايف من وراها فرحة وفخر الناس كانت قربت تنساه..."عشان احنا مصريين" كان بيقولها بقوة وبصوت عالي...اخيرا بقا في حاجة تميزنا كمصريين...حاجة ترفع راسنا وتخلينا فخوريين وناجحين..."كان لازم نكسب"...تفتكروا كان قصده على الكاس بس...بيتهيألي ان من جواه كان بيصرخ اننا لازم نكسب في كل حاجة مش بس الكرة...الناس فعلا كانت نسيت الفرح...مصر كلها مفرحتش كده الا بردوا في الدورة اللي فاتت من سنتين....واضح ان مبقاش غير الكرة اللي نفلح فيها..."عشان احنا مصريين كان لازم نكسب...مصر مصر مصر" بجد بجد الكلمتين دول وراهم معاني كتير اوي...وراهم ناس قلبها وعقلها وتفكيرها كله بيقول ارحمونا بقا ...نجحونا بقا...اكرمونا وشرفونا بقا دا احنا المصريين.....يارب نلحق نفسنا قبل ما نضيع..نلحق نفسنا قبل ما نبقى مكسوفين...يارب نلحق نفسنا عشان ننجح ونتميز وبكل فخر نقول"عشان احنا مصريين"
16 comments:
أااااااااااول التعليقااااااااااات
صباح معطر بالورد والياسمين
انا اعتقد ان اللى قال كان لازم نكسب مش قصده فى الكوره بس ولكن فى اى مجال ندخل فيه احنا كمصريين
واحب ان اشيد فى هذه الدوره الافريقيه بالافته الجميله بتاعت ابو تريكه تضامنا مع غزه الذى يؤكد لنا دائما انه جدير بالاحترام
والحضرى اللى هو فعلا السد العالى بتاعناوكميه الكور القويه اللى حمانا من دخولها الجون بتاعتا
ويارب دائما المصريين منتصريين ومتفوقين ومتمييزين فى كل مجالات الحياه وليس الكوره فقط
وكما قال الزعيم مصطفى كامل
لو لم أكن مصرى لوودت أن أكون مصرى
تحياتى
ومبروك لمصر
الحمد لله
بجد فرحه بعد شوق وعطش
ربنا يديم علينا الافراح
مبروك ليك يا محمد ولمصر كلها
تيت تريت تي ري تييييت مصر
يارب يفرحنا دايما
وينصرنا
منظرهم وهما بيسجدو قوتهم وتعاونهم
خلانا نكسب لو بقينا كدا في كل حاجة مش هنخسر عمرنا
ويارب نكسب في القارات
عندي طموح عالي بس مش بعيد عن ربنا طول ما القوي العزيز الملك معانا هينصرانا نصر مبين ان شاء الله
سلام
فعلاً مافرحناش كده زي المره دي والدوره اللي فاتت من سنتيين
مبرووووك لمصر
يارب دايما فى انتصااارات
ومبروووووووووووك لمصر
اما كسبنا بجد فى الماتش مكنش على لسانى غير اغنيه
"انا مصرى وابويا مصرى"
فرحت انى مصريه علشان لاول مرة حسيت ان فى حد مصرى تعب بجد نال نتيجه المجهود والتعب دا بنصره وفرحه عمرها ما تتوصف
بجد مبروك لكل مصرى مبروك لمصر بلدنا احنا مش بلد الناس التانين
والله يا باشا احنا شعب عظيم وبقليل من الاراده والعزيمه بننجز وان شاء الله هنتقدم في كافة الميادين مش في الرياضه بس
تحياتي وسلامي ليك
يارب من بقك لباب السما
كلامك صح والله احنا لازم نعمل حاجة
والفرحة دى والله من اعتقادى ممكن تصحى فينا حاجات كتير اوى
بصراحة فرحة شعب مصر كانت لا توصف
فعلا بقالنا زمن مفرحناش
و على فكرة الفرحة دى اكتر ملوين مرة من الدورة الى فاتت
احتمال لان النتين الى فاتو دول شفنا فيهم حاجات كتيرة قوى مؤلمة و محزنه
تحياتى
و مبروك لمصر
آه فعلاً
م هو علشان إحنا مصريين لازم نعاني
تحياتي
مبروك لينا كلنا الحقيقة الناس مش نامت فى اليوم ده خالص والشوارع كانت صاحية كأننا فى عز النهار ... بس نفسى كمان كلنا نتجمع كدة عشان نغير العيشة اللى عايشنها وناخد موقف موحد زى اللى كان حاصل ده ... تحياتى لك
مبروك لاحسن ناس وعقبال مانشوفكم ناجحين في كل حاجه
عشان كده انت عجبك البوست القديم
دلوقت افهمت
المهم تعال شوف البوست الجديد والمفاجئه الجديده
فينك يا باشا
مبروووووووك
فينك من زمان
---نبضات---
منى
دايما منوراني ومشرفاني يامنى
يارب دايما نكسب ونفوز في كل حاجة
وطبعا ابو تريكة دايما بيكون ليه لفتات جميلة تنم عن معدن اصيل واخلاق عالية
يارب دايما التوفيق والنجاح
---لماضة---
مبروك لك انت كمان ياجميل
ايه اخبار اللماضة
--ماي هووب---
يارب دايما الفرحة والتوفيق والنجاح في كل حاجة مش بس في الكورة
نورتيني
---احمد محسن---
فعلا ويارب كمان الدورة اللي جاية وكل حاجة تانية غير الكورة
---هنا---
الله يبارك فيكي ياهنونة
ومبروك ليكي انت كمان
ولمصر
----lonelysmily---
فعلا الفرحة كانت كبيرة اوي
انا بردو كنت مبسووووط اخر حاجة
الف مبروك ويارب دايما في نجاح وفرحة
----راك يورمايندس---
وشوية ضمير كمان
مبروك ياباشا ونورتني
---تيكا---
المفروض ان الفرحة دي تصحي حاجات كتير زي مابتقول
بس المشكلة ان في ناس بتموتها
ربنا يكفينا شرهم
نورتني ياباشا والف مبروك
---رانيا---
الف مبروك ليكي يارانيا منرواني واللهخ
وكمان اللي زاد الفرحة المرة دي انها جت من غير اي توقع
الحمد لله ويارب دايما
---الاستاذ---
لازم نعاني اه
بس بنحاول نفرح
يمكن الفرح يعرفنا النجاح
نورتني وشرفتني ياباشا
---بوسي كات---
تاف مبروك يابوسي
مصر فعلا مانمتش في اليوم ده...الكل كان فرحان...فرحة كبيرة اوي
يارب دايما
ويارب نستغلها صح على رأيك
نورتيني
---ليموناده----
ليمو
منوراني ومبروووك ياجميل
هاجيليك علطووول
نورتيني
---راك يور مايندس---
انا جيت اهوه
----عرووس البحر----
مبرووك ليكي كمان
---بوس بوس----
انا رجعت من تاني اهوه
Post a Comment