واحكي ياحكواتي
والحكواتي هو انا..والحكايات هي حكاياتي....طب هاحكيها ليه...هاحكيها عشان قربت انساها...والمفروض انها ماتتنساش....رغم ان اللي فيها مايتنسيش
قدر لي بعد التخرج ان اعمل في مجال شبكات الميكروويف..واحترفت المجال ده وحبيته بالرغم من انه مكانش محبب ليا ايام الدراسه في الكلية...والمجال دا بالذات مرتبط الي حد كبير اوي بالدراسة بتاعته...بس دا اللي حصل اني اشتغلت فيه ومع الوقت حبيته وبقيت بدي كورسات فيه كمان
كان محور شغلي هو تصميم وتركيب وتشغيل شبكات الميكروويف بما تحمله من اشارات...اشارات تليفون محمول...اشارات تلفزيون..اذاعة...شبكات...اي داتا او بيانات...وعن طريق شغلي روحت وجيت وسافرت ولفيت واتعاملت مع جنسيات مختلفة يابانيين وصينيين وروس وانجليز وطاجيك وفرنسيين حتى التتار قابلت منهم ناس كتير....ومابين صحارى النيجر وثلوج سيبيريا مرت عليا ذكريات كتير وحكاوي ومواقف اقدر اقول وبكل ثقة انها غيرت شخصيتي كتير اوي وعلمتني حاجات اكتر
انا فعلا قربت انسى...وعشان كده قررت احكي عشان مش لازم الذكريات دي تتنسي...هحكيها في سلسلة غير دورية وغير منتظمة وملهاش أي قانون...سلسلة الحكواتي....هحكي فيها كل اللي مر عليا من مواقف وحكايات وناس قابلتهم وبلاد زرتها وعادات وتقاليد شفتها منها الغريب ومنها الطريف....هحكي بالتفصيل..ممكن كمان بملل....اصلي هفتكر وانا بكتب وهنقل مشاعري بدون مواربة وبدون تنقية...زي ماهي وزي ما الكلام يتكتب وزي ماقلت من غير قوانين...هحكي عن غابات كينيا وقبائل الماساي وعن بنات روسيا وسحر تونس ورعب الكونجو ..هحكي عن الملاريا والابراج والحراسة...هحكي عني وانا فوق البرج بشتغل بايديا وهاحكي وانا مدير على مكتبي...هحكي عن التتار اللي فوجئت بانهم تتار...هاحكي في الحكواتي....هاخلص امتى؟؟؟ مش عارف...ممكن شهرين او تلاتة...ممكن 6 شهور او سنة...مش عارف...انا هحكي براحتي...هحكي بشوق لايام جميلة عشتها..ايام السفر والتنطيط والبهدلة
والحكواتي هو انا..والحكايات هي حكاياتي....طب هاحكيها ليه...هاحكيها عشان قربت انساها...والمفروض انها ماتتنساش....رغم ان اللي فيها مايتنسيش
قدر لي بعد التخرج ان اعمل في مجال شبكات الميكروويف..واحترفت المجال ده وحبيته بالرغم من انه مكانش محبب ليا ايام الدراسه في الكلية...والمجال دا بالذات مرتبط الي حد كبير اوي بالدراسة بتاعته...بس دا اللي حصل اني اشتغلت فيه ومع الوقت حبيته وبقيت بدي كورسات فيه كمان
كان محور شغلي هو تصميم وتركيب وتشغيل شبكات الميكروويف بما تحمله من اشارات...اشارات تليفون محمول...اشارات تلفزيون..اذاعة...شبكات...اي داتا او بيانات...وعن طريق شغلي روحت وجيت وسافرت ولفيت واتعاملت مع جنسيات مختلفة يابانيين وصينيين وروس وانجليز وطاجيك وفرنسيين حتى التتار قابلت منهم ناس كتير....ومابين صحارى النيجر وثلوج سيبيريا مرت عليا ذكريات كتير وحكاوي ومواقف اقدر اقول وبكل ثقة انها غيرت شخصيتي كتير اوي وعلمتني حاجات اكتر
انا فعلا قربت انسى...وعشان كده قررت احكي عشان مش لازم الذكريات دي تتنسي...هحكيها في سلسلة غير دورية وغير منتظمة وملهاش أي قانون...سلسلة الحكواتي....هحكي فيها كل اللي مر عليا من مواقف وحكايات وناس قابلتهم وبلاد زرتها وعادات وتقاليد شفتها منها الغريب ومنها الطريف....هحكي بالتفصيل..ممكن كمان بملل....اصلي هفتكر وانا بكتب وهنقل مشاعري بدون مواربة وبدون تنقية...زي ماهي وزي ما الكلام يتكتب وزي ماقلت من غير قوانين...هحكي عن غابات كينيا وقبائل الماساي وعن بنات روسيا وسحر تونس ورعب الكونجو ..هحكي عن الملاريا والابراج والحراسة...هحكي عني وانا فوق البرج بشتغل بايديا وهاحكي وانا مدير على مكتبي...هحكي عن التتار اللي فوجئت بانهم تتار...هاحكي في الحكواتي....هاخلص امتى؟؟؟ مش عارف...ممكن شهرين او تلاتة...ممكن 6 شهور او سنة...مش عارف...انا هحكي براحتي...هحكي بشوق لايام جميلة عشتها..ايام السفر والتنطيط والبهدلة
خليكوا معايا يمكن تعجبكوا حكاياتي
مع الحكواتي
15 comments:
خبرات عظيمه ياريت تفيدنا بيها
يا سلالالالالالالالالالالام
بحب الحكاوي والحكاواتية
وحتبقى حاجة جميلة اكثر منك يا معلم لمونة
ههههههههههههههه
حلو الاسم الجديد
شوفت عالم اللمون بيعمل اي في الواحد
:)
معااااااااااك يا ابو سمير للاخر بس يارب في الارخر يبقي لينا حاجة حلوة على صبرنا عليك هههههه سلامي لفروحة ومامتيها
فكره عظيمه جدااااااااااااااا
قد ايه السفر والتعرف على الثقافات المختلفه للشعوب بيضيف كتير لشخصيه الانسان بان ياخذ ويتعلم منهم ما يروقه من هذه الثقافات المتعدده
وبما اننا لم نسافر كتتتتتير ....فاكيد حنستمتع بحكاوى جدا جدا مهما كنت حاسسها طويله او ممله اكتب وميهمكشى احنا حنستمتع بيها وممكن كمان تضيف لنا حاجه جديده
عموما ...نبضات فى انتظار الحكاوى
خصوصا انى بحب هذا النوع من الحكاوى والتجارب الانسانيه مع الثقافات المختلفه
تحياتى لك ولساره ولبنوتك الرقيقه
السلام عليكم
ذكرتني ببرنامج اطفال اسمه الحكواتي
أنا الحكواتي عندي حكاياتي
للكبار والصغار ما أحلى حكاياتي
أصواتي كثيرة في كل مكان
أسمائي عديدة من كل البلدان
في روسيا اسمي إيڤان في الشمال إيان
في ألمانيا يوهان وفي انجلترا أنا جون
جمعت قصصي من أجل خير الناس
انا بانتظار حكاياتك يا حكواتي
ملاحظة لو اي حد عنده البرنامج
ابعتولي اياه
بليييييييز
:)
ليذكروا الحبَ والعدلَ والإيناس
في قصصي دموع وفيها ابتسام
وتنتهي دوما بالوفق والسلام
فى الانتظار
ى يا شهر سمير
منتظرة الحكايات على احر من الجمر
تحياتى
الله ؟ تتار و غابات و بنات روسيا و ركز على بنات روسيا دى هى المدام فيييييييييين ؟ .... ما علينا انا دايما احب اهدى النفوس
دى حتبقى سلسلة حلوة اوى شكلها و اسمها بجد احييك عليه ( الحكواتى ) حلو اوى ان شاء الله انا اول المتابعين
الله, بجد يا محمد هتبقي حكاوي جميله جدا
وبجد انا منتظرها عشان كمان نكتسب خبرات زيك ,متتاخرش علينا يا باشا
تحياتي وسلامي ليك
الله
انا بموت في اى حكاية
مستنية
احكي يا منعم
احكي بس انت و احنا مستنيين
---محمد عبد الغفار---
يارب كلامي فعلا يفيد غيري
نورتني يا استاذ محمد
----ليموناده----
هههه
حلو لمونة دا منك ياليمو
خلاص ياعم خليك بس مظبط نفسك ع الموجه وهتسمع احلى الحكاوي
منوراني دايما يانعنشة
----قلوب حائرة----
عينيا يا بيبو
ياسلام انت تأمري بس
وفرح ومامتها بيسلموا عليكي
---نبضات----
ربنا يخليكي يامنى ع التشجيع الجميل والكلام الاجمل ده
بس مش غريبة عليكي
خليكي معايا وان شاء الله هتكون الحكاوي حلوه
----ناني----
والله اغنية جميلة ياناني ومنطبقة بشكل على حالتي
بس دي فعلا اول مرة اسمع عنها او عن البرنامج
او يمكن اكون سمعته بعقلي الباطن وطلع دلوقتي
: )
بس لو عرفتي توصليلوا قوليلي انا كمان احب اسمعها
واحطها خلفية للحكواتي
---barie----
شكرا للزيارة
والمتابعة
----عاليا حليم----
العزيزة عاليا
اخبارك ايه....واضح انك بتهدي النفوس بجد
: ): ): )
ياستي المدا عاشت المرحلة دي بكل تفاصيلها وخدت حصانة....وخصوصا روسيا دي
الحمد لله...ثقتها فيا بتبعد عني مشاكل كتير
نورتيني ياعاليا
----راك يور ماندس----
ان شاء الله ياباشا هكون على الوعد
وان شاء الله تعجبك
----مش قادرة---
يارب تعجبك
----حواديت وحكاوي----
ماشي ياجادوليو
---محمد صبحي-----
يارب تعجبك ياباشا
تحياتي ونورتوني جميعا
محمد سمير
جميل اوى ان حد يحكى لنا عن عادات وتقاليد بلاد عمرنا ماشفناها ومش نعرف عنها حاجة وخصوصا انها حقيقة او تجارب شخصية مش مجرد قراءة او سمع احنا مستنيين يامحمد حكاياتك وكلنا شغف للمعرفة دى .. بوست جديد وشيق اكيد .. تحياتى
بوسي كات
دايما منوراني رغم تقصيري في زيارتك
ربنا يقدرني واحكي حاجة مفيدة وممتعة ان شاء الله
تحياتي
محمد سمير
Post a Comment